Грамадства99

Міжнародны Чырвоны Крыж адхрысціўся ад паездак Шаўцова на Данбас

Беларускі Чырвоны Крыж нядаўна трапіў у скандал пасля таго, як яго генеральны сакратар Дзмітрый Шаўцоў засвяціўся на Данбасе з Z-сімволікай і пацвердзіў, што яны дапамагаюць вывозіць дзяцей з акупаваных тэрыторый Украіны. Міжнародны офіс Чырвонага Крыжа адрэагаваў на сітуацыю.

Дзмітрый Шаўцоў з Z-сімволікай на левай руцэ трапіў у кадр некалькі дзён таму. Скрыншот відэа Sputnik.by

Міжнародная федэрацыя таварыстваў Чырвонага Крыжа і Чырвонага Паўмесяца (IFRC) піша, што даведалася са СМІ пра візіт генеральнага сакратара Беларускага Чырвонага Крыжа ў Луганск і Данецк.

«Нам не паведамілі пра гэты візіт, і мы не ўдзельнічалі ні ў якіх мерапрыемствах, уключаючы вываз дзяцей.

IFRC надзвычай сур'ёзна ставіцца да дзеянняў любога з нашых нацыянальных таварыстваў Чырвонага Крыжа або Чырвонага Паўмесяца, якія супярэчаць нашай гуманітарнай місіі, асноватворным прынцыпам і палітыцы.

Таму IFRC перадала гэтую справу ў Камітэт па выкананні патрабаванняў і пасярэдніцтве, які, паводле нашай Канстытуцыі, з'яўляецца незалежным органам, які расследуе і ліквідуе меркаваныя парушэнні добрасумленнасці.

Надзвычайныя абставіны гэтага візіту, уключаючы выкарыстанне сімвала, які асацыюецца з адным з бакоў міжнароднага ўзброенага канфлікту ва Украіне, закранаюць асноўныя прынцыпы міжнароднага руху Чырвонага Крыжа і Чырвонага Паўмесяца. Візіт і звязаныя з ім мерапрыемствы не былі ўзгодненыя з іншымі кампанентамі руху, як таго патрабуюць нашы ўнутраныя правілы і прадпісанні.

Гэтыя дзеянні рызыкуюць падарваць давер да нашай працы па падтрымцы супольнасцяў, якія маюць патрэбу, кім бы яны ні былі і па які б бок фронту яны ні знаходзіліся. Вельмі важна, каб усе кампаненты міжнароднага руху Чырвонага Крыжа і Чырвонага Паўмесяца захоўвалі сваю незалежнасць ад урадаў і носьбітаў зброі».

Міжнародны офіс паведамляе, што звязаўся з беларускім Чырвоным Крыжам, каб выказаць заклапочанасць і спыніць любую падобную дзейнасць у будучыні.

«Важна адзначыць, што Генеральны сакратар Беларускага Чырвонага Крыжа не выступае ад імя IFRC або якога-небудзь іншага кампанента руху, і яго заявы не адлюстроўваюць нашага пункту гледжання.

Усе сябры Нацыянальнага грамадства IFRC звязаны асноватворнымі прынцыпамі руху, нашымі ўнутранымі правіламі і палітыкай, уключаючы палітыку IFRC у галіне абароны, гендара і інклюзіўнасці, у якой яны абавязваюцца забяспечваць абарону дзяцей».

Нагадаем, пра садзейнічанне Беларускага Чырвонага Крыжа вывазу дзяцей заяўляў сам Шаўцоў на БТ, а таксама дэпутатка Палаты прадстаўнікоў Людміла Макарына-Кібак.

Каментары9

  • ann
    20.07.2023
    Сябрам беларускага чырвонага крыжа можна ўсё, нават выязджаць на транспарце чырвонага крыжа ўсім калектывам у лес для адпачынку, калі дзейнічае абмежаваньне на наведваньне лясоў.
  • Еўрасадавіна выказвае заклапочанасць.
    20.07.2023
    А дзе яны былі, калі шаўцовы дапамагалі лукашыстам фальсіфікаваць выбары і захопліваць уладу?
  • Ёсік
    20.07.2023
    Толькі зразумелі, што ўяўляе сабой ЧК Беларусі? І так усе арганізацыі - кішэнныя банды, толькі адбельваць рэжым. ААН, калі ты вочы адкрыеш, слухаючы хлуслівага манюку зь Віцебска амбразевіча?

Цяпер чытаюць

Крымскі мост зруйнаваны ўдарам ракет «Фламінга»

Усе навіны →
Усе навіны

У Крамлі заявілі, што будуць далей ваяваць дзеля «міру на стагоддзі»5

У Бабруйску мужчына перарабляў сігнальныя пісталеты ў баявыя1

Як Джэнсэн Хуанг адкрыў Кітаю абводную дарогу да ўдзелу ў ШІ-гонцы5

У Гродне раварыст насмерць збіў пенсіянера2

З’явіліся спадарожнікавыя здымкі пашкоджанняў Крымскага моста пасля ўкраінскай атакі5

Аляксандр Ярашук: Мяне бессэнсоўна ламаць — я не здраджу сваім прынцыпам і каштоўнасцям2

Беларус на юнацкай Алімпіядзе заваяваў бронзу ў брэйкінгу. Вось як яго сустрэлі дома2

У Малдове адмянілі канцэрт беларускага музыкі ДзіДзюЛі пасля зваротаў украінскіх дыпламатаў24

Пад Уроцлавам знайшлі магілу аднаго з пачынальнікаў Слуцкага паўстання. Пасля вайны ён схаваўся ў Сілезіі і выдаваў сябе за матэматыка са Львова2

больш чытаных навін
больш лайканых навін

Крымскі мост зруйнаваны ўдарам ракет «Фламінга»28

Крымскі мост зруйнаваны ўдарам ракет «Фламінга»

Галоўнае
Усе навіны →

Заўвага:

 

 

 

 

Закрыць Паведаміць