Свет

Вайскоўцы ў Нігеры абвясцілі пра звяржэнне прэзідэнта

Вайскоўцы ў Нігеры абвясцілі па нацыянальным тэлебачанні пра звяржэнне прэзідэнта Махамеда Базума. Таксама яны заявілі аб прыпыненні дзеяння Канстытуцыі і ўсіх дзяржаўных інстытутаў, а таксама аб закрыцці межаў краіны на захадзе Афрыкі, піша Бі-бі-сі.

Махамед Базум. Сакавік 2023 года. Фота: Boureima Hama / Pool Photo via AP / File

Па тэлебачанні выступіў генерал-палкоўнік Амаду Абдурахман у атачэнні яшчэ дзевяці вайскоўцаў.

«Мы, сілы абароны і бяспекі, вырашылі пакласці канец таму рэжыму, што вы ведаеце, — сказаў у тэлезвароце генерал. — Гэта адбылося пасля пагаршэння сітуацыі ў сферы бяспекі і нездавальняючага кіравання ў эканамічнай і сацыяльнай сферах».

Паводле Амаду Абдурахмана, кіраўнікі міністэрстваў працягнуць выконваць свае паўсядзённыя абавязкі.

«Усіх знешніх партнёраў просім не ўмешвацца, — працягнуў генерал. — Сухапутныя і паветраныя межы закрываюцца, пакуль абстаноўка не стабілізуецца».

Прэзідэнту Базуму, якога мяцежнікі ўтрымлівалі ў яго палацы, тэлефанавалі дзяржсакратар ЗША Энтані Блінкен і генеральны сакратар ААН Антоніу Гутэрыш і запэўнілі ў сваёй падтрымцы.

Таксама новая вайсковая хунта, якая называе сябе Нацыянальнай радай па абароне Радзімы, устанавіла ў краіне каменданцкую гадзіну з 22:00 да 05:00 па мясцовым часе.

Прэзідэнт Базум, дэмакратычна абраны ў 2021 годзе, лічыцца блізкім саюзнікам Францыі.

З моманту здабыцця незалежнасці ад Францыі ў 1960 годзе ў Нігеры, які не мае выхаду да мора, адбылося чатыры паспяховыя перавароты і некалькі няўдалых спроб зрынуць уладу.

Апошні пераварот у краіне адбыўся ў лютым 2010 года і скончыўся звяржэннем прэзідэнта Мамаду Танджа.

У Нігеры таксама дзейнічаюць джыхадзісты. Адна група прыйшла на паўднёвы захад краіны ў 2015 годзе з суседняй Малі, а другая дзейнічае на паўднёвым усходзе, базуючыся пры гэтым на паўночным усходзе Нігерыі.

У краіне ёсць групоўкі, звязаныя як з «Аль-Каідай», так і з «Ісламскай дзяржавай».

У дзвюх суседніх краінах — Малі і Буркіна-Фасо — нядаўна адбыліся перавароты, пачатак якім у абодвух выпадках паклалі выступы джыхадзістаў. У абедзвюх краінах да ўлады прыйшлі сілы, звязаныя з Расіяй.

Падзеі ў Нігеры развіваюцца напярэдадні саміту Расія — Афрыка, які пройдзе ў Санкт-Пецярбургу 27—28 ліпеня.

Большасць лідараў афрыканскіх краін адмовіліся ўдзельнічаць у саміце.

Візіт Базума на саміт не планаваўся. Іншых прадстаўнікоў Нігера ў спісах удзельнікаў таксама няма.

«Нігер у працы саміту не ўдзельнічае, гэта не звязана з апошнімі падзеямі», — паведаміла іншая крыніца РІА «Новості».

Махамед Базум быў абраны прэзідэнтам у 2021 годзе. Пры папярэднім прэзідэнце ён працаваў кіраўніком МУС і МЗС.

Нігер — дзяржава, якая не мае выхаду да мора ў Заходняй Афрыцы. Насельніцтва краіны — каля 25 млн чалавек, агульная плошча — 1,267 млн кв. км (21-я ў свеце). У краіне знаходзяцца вялізныя радовішчы ўрану.

Каментары

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць