ГУБАЗіК пахваліўся, што затрымаў хлопца праз кадры з фільма Мамінава
Праўладныя тэлеграм-каналы паведамілі пра затрыманне хлопца, які быў на кадрах у фільме Юрыя Мамінава, апублікаваным літоўскім рэсурсам Delfi.
Хлопец знаходзіўся на дарозе падчас акцыі, а ягоны твар аўтары фільма не схавалі.
Таксама была, як паведамляецца, затрыманая дзяўчына хлопца — імаверна, яе знайшлі па супольных фотаздымках з акцыі пратэсту ў тэлефоне.
Лукашэнкаўцы трактуюць выхад на праезную частку як злачынства, хоць гэта быў мірны і адзіны магчымы спосаб пратэсту супраць фальсіфікацыі выбараў і парушэнняў законнасці.
Напэўна, большасць людзей, паказаных у фільме, ужо траплялі на здымкі спецслужбаў. Але праблема такіх твораў (як і з кнігай «Я выходжу») у тым, што яны прыцягваюць дадатковую ўвагу да людзей, якія да гэтага маглі трапіць у поле зроку спецслужбаў. Пасля кожнага гучнага твору пра пратэсты спецслужбы пачыналі хвалі рэпрэсій супраць тых, хто ў ім «засвяціўся».
Такім чынам яны спрабуюць забіць двух зайцоў: і падтрымаць узровень страху сярод беларусаў, і справакаваць канфлікты і крыўды ў грамадстве.
Цяпер чытаюць
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі15
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары