У ноч на 30 ліпеня Маскву атакавалі беспілотнікі, як паведаміў мэр расійскай сталіцы Сяргей Сабянін. Пашкоджаны фасады дзвюх офісных вежаў, ахвяр няма. Яшчэ два дроны было збіта сістэмай СПА ў Падмаскоўі.
Мэр Масквы Сяргей Сабянін паведаміў, што ў выніку здарэння аказаліся нязначна пашкоджаныя фасады дзвюх вежаў Масквы-Сіці. У 50-павярховым будынку IQ-квартала былі пашкоджаны шыбы на пятым і шостым паверхах. З будынкаў комплексу «Масква-Сіці» эвакуявалі людзей, паведамляе ТАСС.
У вежы «Вока-2» былі выбітыя шыбы з першага па чацвёрты паверхі.
У сувязі з надзвычайным здарэннем на вылеты і прылёты закрываўся маскоўскі аэрапорт Унукава. У паветранай зоне Масквы і Падмаскоўя забаранялі палёты.
У выніку атакі беспілотнікаў пацярпеў адзін чалавек. Загінулых няма.
У склад IQ-квартала ўваходзіць урадавы комплекс, дзе размешчана некалькі міністэрстваў і ведамстваў, у тым ліку Мінэканамразвіцця, Мінпрамгандаль, Мінлічбы, Федэральнае агенцтва спраў нацыянальнасцяў, Расакрэдытацыя і Расстандарт. Тэлеграм-канал «Асцярожна, Масква» паведаміў, што выбуховай хваляй з офіса вынесла дакументацыю Мінлічбы.
Паводле звестак Мінабароны Расіі, у нападзе ўдзельнічала тры беспілотнікі — адзін з іх знішчаны ў паветры над Адзінцоўскім раёнам Маскоўскай вобласці, два іншыя збітыя сродкамі радыёэлектроннай барацьбы, яны ўпалі на тэрыторыі Масквы-Сіці.
Ранейшыя атакі дронаў у гэтым месяцы на Маскву былі 4, 24, 28 ліпеня.
-
Жанчына з Тэнэсі выжыла пасля дзвюх смяротных ін'екцый падчас пакарання смерцю і была дастаўлена ў бальніцу
-
Самалёт Flydubai уратавалі пілот-індыец і тры пасажыры, адзін з якіх стаматолаг. Другога пілота звязалі правадамі ад слухавак і маланкамі
-
У Паўднёвай Карэі 600 тысяч чалавек прыйшлі паглядзець на акулу, якая захрасла ў канале
Каментары