МЗС Польшчы пра закрыццё мяжы з Беларуссю: Разглядаем любыя крокі. Вагнераўцы спрабавалі пранікнуць у Польшчу
Пакуль закрыццё мяжы з Беларуссю з'яўляецца крайняй мерай.
Польшча разглядае любыя крокі для сваёй абароны на фоне пагаршэння сітуацыі бяспекі праз прысутнасць наймітаў групы Вагнера ў Беларусі, але закрыццё мяжы з'яўляецца крайняй мерай. Пра гэта ў інтэрв'ю CNN заявіў намеснік міністра замежных спраў Польшчы Павел Яблонскі, паведамляе «Еўрапейская праўда».
Ён адзначыў, што Польшча хацела б пазбегнуць рашэння аб поўным закрыцці мяжы з Беларуссю.
«Мы разглядаем любыя крокі для абароны нашай тэрыторыі, абароны нашых грамадзян, уключаючы поўную ізаляцыю Беларусі, уключаючы поўнае закрыццё мяжы», — сказаў Яблонскі.
Намеснік кіраўніка МЗС дадаў, што закрыццё мяжы з'яўляецца крайняй мерай, але ў выпадку нападаў на Польшчу і спробаў дэстабілізаваць сітуацыю ў краіне «ў нас можа не застацца іншага выйсця».
Ён падкрэсліў, што пагроза з боку Беларусі «з'яўляецца вельмі рэальнай», паколькі «вагнераўцы» ажыццяўлялі спробы пранікнуць на польскую тэрыторыю.
«Мы вельмі выразна заяўляем, што мы не адступім… мы чакаем больш спробаў нападаў на нашу мяжу, магчыма, больш спробаў парушэння нашай паветранай прасторы», — сказаў Яблонскі.
Ён распавёў, што Польшча разгортвае ўсё больш войскаў паблізу беларускай мяжы, аднак не ўдакладніў іх колькасці.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў8
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары