Удзельнікі сустрэчы ў Саудаўскай Аравіі, у тым ліку Кітай, узгаднілі прынцыпы
Кітай і Саудаўская Аравія разам здольныя прымусіць Расію спыніць вайну, бо Масква залежыць ад паставак энерганосьбітаў у Кітай і абсталявання з Кітая, а Саудаўская Аравія кантралюе ўзровень цэнаў на нафту.
Удзельнікі сустрэчы ў Джыдзе (Саудаўская Аравія) па ўрэгуляванні канфлікту ва Украіне дасягнулі дамоўленасці «аб павазе цэласнасці ўкраінскай тэрыторыі», піша італьянская газета Corriere della Sera са спасылкай на ўласныя крыніцы ў Еўрасаюзе.
Паводле слоў суразмоўцаў, прадстаўнікі 42 дзяржаў прыйшлі да разумення, што «павага тэрытарыяльнай цэласнасці і суверэнітэту Украіны павінна быць у цэнтры любога мірнага пагаднення, як і вяршэнства Статута ААН».
Прынята рашэнне аб фармаванні працоўных груп у ключавых пытаннях прапанаванай украінскім прэзідэнтам Уладзімірам Зяленскім «формулы міру».
«Тэрміны сустрэчы кіраўнікоў дзяржаў яшчэ не вызначаны, але цалкам імаверна, гэта адбудзецца да канца года», — дадалі крыніцы.
На сустрэчу для пошуку дыпламатычнага развязання канфлікту ва Украіне сабраліся высокія прадстаўнікі чатырох дзясяткаў дзяржаў, у тым ліку Індыі і Бразіліі. ЗША рэпрэзентуе дарадца прэзідэнта ў нацыянальнай бяспецы Джэйк Саліван.
Прарывам стаў прыезд на сустрэчу спецыяльнага прадстаўніка Кітая ў пытаннях канфлікту ва Украіне Лі Хуэя.
Расія ў сустрэчы ў Джыдзе не ўдзельнічае.
Кітай і Саудаўская Аравія разам здольныя прымусіць Расію спыніць вайну, бо Масква залежыць ад паставак энерганосьбітаў у Кітай і абсталявання з Кітая, а Саудаўская Аравія кантралюе ўзровень цэнаў на нафту. На першым этапе вайны дзве гэтыя краіны чакалі, аднак правал планаў Масквы і лукашэнкаўскага рэжыму выклікаў асцярожныя змены пазіцый як Паднябеснай, так і Эр-Рыяда.
Дыскусіі працягнуцца ў нядзелю, 6 жніўня. Сустрэча праходзіць за зачыненымі дзвярыма.
Цяпер чытаюць
Хто той замежнік, які забіў жонку і згвалтаваў падчарыцу ў Добрушы7
Хто той замежнік, які забіў жонку і згвалтаваў падчарыцу ў Добрушы
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках77
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках7
«Калі і прыеду ў Беларусь, то ўжо як турыст». Аргенцінец хацеў зрабіць бізнэс у Беларусі, але яго выслалі за драбязу. Цяпер дазволілі вярнуцца, але ёсць нюанс22
Каментары