Брэнд «Эхо Москвы» можа перайсці дзяржаве. Заяўку на таварны знак падала «Россия сегодня»
Лагатып, пададзены ў заяўцы, цалкам супадае з тым, што быў у ліквідаванай радыёстанцыі «Эхо Москвы», якую ўзначальваў Аляксей Венядзіктаў.
Медыягрупа «Россия сегодня» падала заяўку на рэгістрацыю брэнда «Эхо Москвы». Уладальнікі могуць аспрэчыць пераход таварнага знака дзяржаве, але, відаць, не будуць гэтага рабіць. Пра гэта Бі-бі-сі распавёў галоўны рэдактар «Эха» Аляксей Венядзіктаў.
Лагатып, прадстаўлены ў заяўцы, цалкам супадае з тым, што быў у ліквідаванай радыёстанцыі «Эхо Москвы», якую ўзначальваў Аляксей Венядзіктаў.
«Гэта як перапісванне падручніка гісторыі, «умацоўваюць мінулае». У той жа логіцы. І гэта пройдзе», — так пракаментаваў у сваім тэлеграм-канале Аляксей Венядзіктаў паведамленне аб падачы заяўкі на брэнд «Эхо Москвы».
У прэс-службе медыягрупы «Россия сегодня» заявілі, што заяўка была адпраўлена «ў сувязі са сканчэннем тэрміну рэгістрацыі гэтага таварнага знака ў яго ўладальніка». «Варыянты будучага выкарыстання брэнда няма сэнсу абмяркоўваць, пакуль пастанова не прынятая дзяржорганамі», — гаворыцца ў заяве.
Падача заяўкі на брэнд «Эхо Москвы» ставіць перад сабой задачу прадухіліць вяшчанне ў Расіі пад гэтым брэндам іншых структур, а сама «Россия сегодня» выходзіць у эфір з гэтай назвай не плануе.
Такі метад прымяняўся ў 2021 годзе, каб перашкодзіць працы праекта «Разумнае галасаванне» Аляксея Навальнага. Тады малавядомая кампанія «Вулінтэртрэйд» у паскораным рэжыме зарэгістравала правы на таварны знак са словазлучэннем «Разумнае галасаванне» і запатрабавала ад тэхнагігантаў — «Google» і «Яндэкс» — спыніць у пошуку выдаваць сайты са згадваннем праекта.
Расійскія ўлады ў сакавіку мінулага года абвінавацілі «Эхо Москвы «ў распаўсюдзе ілжывых звестак пра вайну, пасля чаго рашэннем рады дырэктараў станцыі, якая ўваходзіць у холдынг «Газпром-Медыя», была ліквідаваная. Пасля гэтага Венядзіктаў і іншыя папулярныя вядучыя «Эха» працягнулі выпускаць праграмы на YouTube.
Радыёчастату «Эха» атрымала радыё «Спутнік», якое ўваходзіць у міжнароднае інфармацыйнае агенцтва «Россия сегодня».
Каментары