Міністр абароны Польшчы Марыюш Блашчак падчас наведвання вайсковага лагера ў Ярылаўцы на Падляшшы заявіў, што на мяжы стварылі спецыяльную вайсковую групу для правядзення аперацыі Rengaw.
«Я вырашыў стварыць вайсковую аператыўную групу для аперацыі Rengaw непадалёк ад мяжы з Беларуссю. Мэта аперацыі — навучанне польскага войска ў Падляшскім ваяводстве недалёка ад мяжы, а таксама стварэнне рэзерваў на выпадак пагаршэння сітуацыі», — заявіў міністр.
Бягучую сітуацыю на мяжы ён ацаніў як трывожную:
«Няма сумневаў, што мяжа Польшчы ў небяспецы. Мы назіраем працяглы ціск на польскай мяжы, спробы нелегальна перасекчы мяжу мігрантамі, якіх да гэтага заахвочвае беларускі рэжым. Няма сумневаў, што беларускі рэжым супрацоўнічае з Крамлём.
Гэтая акцыя накіраваная супраць Польшчы з мэтай дэстабілізацыі нашай краіны. Перакананы, што яна праваліцца дзякуючы службе польскага войска і ўсяму, што звязана з умацаваннем мяжы з Беларуссю».
Блашчак таксама нагадаў, што пад камандаваннем памежных войскаў праводзіцца аперацыя Gryf, накіраваная на прыкрыццё мяжы з Беларуссю. У ёй возьме ўдзел да 4 000 польскіх жаўнераў.
Цяпер чытаюць
Былога міліцыянера асудзілі за жаданне ваяваць у Палку Каліноўскага. Пагражала да 15 гадоў калоніі16
Каментары
з.ы. задралі чаркай і шкваркай маскоўскія калабаранты, хай самі ёй падавяцца.