У Адэсе на волю адпусцілі птушанят вушастай савы, якія пацярпелі ад абстрэлаў
Птушанят вушастай совы, якіх выратавалі байцы марской пяхоты, выпусцілі на волю. Пра гэта паведаміў дырэктар Адэскага заапарка Ігар Белякоў, піша «Украінская праўда».
Фота: Ігар Белякоў
Птушак выратавалі воіны 35-й асобнай брыгады марской пяхоты яшчэ ў ліпені. Іх падабралі сярод паваленых дрэў пасля ракетнага абстрэлу расейцаў.
Тады жывёлы былі маленькімі і мелі патрэбу ў дапамозе.
«Аднаму з савянятаў байцы далі імя Стыч у гонар свайго сабрата па пазыўным Стыч, які гераічна загінуў у вайне з расійскімі нелюдзямі», — кажа дырэктар.
У заапарк іх даставіў баец з пазыўным «Гагарын».
Фота: Ігар Белякоў
Доўгі час у Адэсе савянятаў глядзелі і рыхтавалі да самастойнага жыцця. Цяпер іх адпусцілі ў дзікую прыроду.
Каментары