Электрыку аднаго з гомельскіх гіпермаркетаў прысудзілі два гады калоніі за асуджэнне вайны
Супрацоўніка крамы Green Уладзіміра Якімца затрымалі на працы 29 лістапада.
Спачатку мужчына атрымаў 15 сутак паводле арт. 19.11 (распаўсюд экстрэмісцкіх матэрыялаў) за падпіскі ў сацыяльных сетках. Але 14 снежня Уладзіміра перазатрымалі ўжо па крымінальнай справе. Злачынства заключаецца ў тым, што мужчына асудзіў расійскую ваенную агрэсію ў адным з чатаў, паведамляе «Гомельская вясна».
13 красавіка Гомельскі абласны суд прысудзіў Уладзіміру Якімцу 2 гады калоніі агульнага рэжыму. Мужчына паспрабаваў абскардзіць прысуд, але Вярхоўны суд пакінуў яго без змен.
Таксама стала вядома, што 9 жніўня Уладзіміра этапавалі ў наваполацкую калонію для адбыцця пакарання. Акрамя таго, Уладзіміра Якімца ўнеслі ў «спіс грамадзян, якія ажыццяўляюць экстрэмісцкую дзейнасць».
Каментары