За «распаўсюд экстрэмізму» аштрафавалі жыхарку Талачынскага раёна
Суддзя суда Талачынскага раёна Алеся Саян 21 ліпеня за распаўсюд «экстрэмісцкіх» матэрыялаў у сацыяльнай сетцы пакарала штрафам у памеры 1110 рублёў мясцовую жыхарку, маці дваіх дзяцей Насту Іванову, даведалася «Віцебская вясна».
У судзе мясцовыя работнікі міліцыі паказалі доказы таго, што Наста Іванова з 2018-га па 6 ліпеня 2023 года ў сацыяльнай сетцы «Аднакласнікі» захоўвала і распаўсюджвала інфармацыйную прадукцыю — інтэрнэт-старонку з назвай Symbalby, уключаную ў рэспубліканскі спіс «экстрэмісцкіх матэрыялаў».
І хоць «парушальніца» не прызнала віны, суддзя Саян пастанавіла на падставе ч. 2 арт. 19.11 КаАП пакараць яе штрафам у даход дзяржавы ў памеры 30 базавых велічынь з канфіскацыяй «прадмета адміністрацыйнага правапарушэння і сродку ўчынення правапарушэння» — мабільнага тэлефона.
Цяпер чытаюць
Амаль усе чаты і суполкі калоній і СІЗА Беларусі прызналі экстрэмісцкімі фармаваннямі. Пад пагрозай тысячы чалавек3
Каментары