У Мінскай вобласці за паўгода стала амаль у два разы менш аграсядзіб
У Мінскай вобласці прайшлі перарэгістрацыю каля 360 аграсядзіб. Пра гэта расказала загадчыца сектара турызму і арганізацыйна-кадравай работы галоўнага ўпраўлення спорту і турызму Мінаблвыканкама Інга Малашкевіч.
«На пачатак жніўня ў сталічным рэгіёне зарэгістраваныя 358 суб'ектаў агратурызму, у тым ліку 37 новых. Усяго было пададзена 617 заяў», — заявіла Інга Малашэвіч.
Яна адзначыла, што для прыняцця рашэння аб статусе аграсядзібы на месцы выязджала спецыяльная камісія. Яна павінна была ацаніць, ці падпадае гэты аб'ект пад новыя крытэрыі для аграсядзіб. Калі ўладальнікі не згодныя з рашэннем камісіі, яны могуць падаць дакументы паўторна.
На 1 студзеня 2023 года на Міншчыне налічвалася 825 аграсядзіб. Да новага 2023 года вырашылі спыніць дзейнасць 375 іх уладальнікаў. А з ліпеня гаспадароў аграсядзіб чакалі сур'ёзныя змены, якія прымусілі іх сур'ёзна перабудаваць свой бізнэс або ўвогуле задумацца пра яго закрыццё.
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі13
Каментары