Украіне ўдалося ўпершыню знішчыць расійскі стратэгічны ядзерны бамбавік
У Расіі больш няма інжынерна-будаўнічай базы для вытворчасці такіх звышкаштоўных самалётаў.
У сеціве, імаверна, з'явілася фота вайсковага аэрадрома «Сольцы» Наўгародскай вобласці пасля ўдару беспілотніка. У суботу быў пашкоджаны мінімум адзін самалёт, паведаміла Мінабароны РФ. На фота відаць цалкам згарэлы Ту-22М3.
Як піша выданне The Moscow Times, за кошт дыверсій і нападаў было знішчана і пашкоджана больш за дзясятак расійскіх самалётаў і верталётаў на авіябазах у Беларусі, акупаваным Крыме, Разані, Энгельсе, Новасібірскай і Пскоўскай абласцях, але гэта першы зафіксаваны выпадак знішчэння Украінай падобнага стратэгічнага бамбавіка Ту-22М3. У Расіі больш няма інжынерна-будаўнічай базы для вытворчасці такіх самалётаў, якія наносяць удары па Украіне з далёкай адлегласці па-за зонай дасягальнасці ЗРК.
Па словах крыніц The Moscow Times, раней пытанне дыверсій абмяркоўвалася на нарадах прэзідэнта РФ Уладзіміра Пуціна з сілавікамі. Яны «кляліся», што падобнага больш не адбудзецца, але 100%-най гарантыі ніхто даць не змог.
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары