Прадпрымальніка з Магілёва асудзілі за фота перамяшчэння расійскай вайсковай Z-тэхнікі
Магілёўскі абласны суд 15 жніўня вынес прысуд Уладзіміру Тычынскаму. Суддзя Павел Клімаў прызнаў мужчыну вінаватым у «садзейнічанні экстрэмісцкай дзейнасці» (арт. 361-4 КК Беларусі). У віну 53-гадоваму Уладзіміру Тычынскаму паставілі тое, што ў красавіку 2022 года ён зняў на свой мабільны тэлефон перамяшчэнне расійскай вайсковай Z-тэхнікі і адправіў відэа ў медыя, прызнанае «экстрэмісцкім», піша «Вясна».
31 мая 2023 года прадпрымальніка затрымалі проста на вуліцы, дома ў яго правялі вобшук. На відэа затрымання бачна, што мужчына супраціву не аказваў, але супрацоўнікі АМАПа ўсё роўна дзейнічалі жорстка.
На рэгіянальным дзяржканале заявілі, што Тычынскі «быў прыхільнікам укранацысцкіх фармаванняў», а таксама «ездзіў з украінскай нацыяналістычнай сімволікай у сваім аўто». Пад апошнім маецца на ўвазе афіцыйны сцяг Украіны.
Суд прыгаварыў Тычынскага да двух з паловай гадоў пазбаўлення волі ў калоніі ва ўмовах агульнага рэжыму.
Цяпер чытаюць
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго8
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго
«У мяне толькі адна мара — вярнуць свайго Дзімку». Маці былога палітвязня Дзмітрыя Гопты расказвае пра новую бяду сына. І просіць замаўляць у яе больш тортаў, каб справіцца1010
Каментары