У Генеральскім доме на праспекце прадаецца двухпавярховая кватэра. Плошча — як у прыватнага дома
У вядомым Генеральскім доме насупраць парку Чалюскінцаў прадаецца ўнікальная кватэра — двухпавярховая пяціпакаёвая сталінка. Там ёсць камін, два санвузлы і строгі рамонт. Realt.by паглядзеў, як выглядае аб'ект і колькі ён каштуе.
Доўгая сталінка з двух дамоў на праспекце Незалежнасці — у народзе Генеральскі дом — была спраектаваная яшчэ да вайны і будавалася тры гады. Падчас баявых дзеянняў будынкі пацярпелі і пры аднаўленні вырашана было ўзвесці корпус з пышным ампірным фасадам паміж дамамі № 91 і № 93.
У доме № 91 прадаецца двухпавярховая кватэра, што размяшчаецца на 4 і 5 паверхах. Яна займае 145 м2.
У кватэры зроблены добры рамонт. Яна ўкамплектавана неабходнай мэбляй і бытавой тэхнікай.
На першым паверсе знаходзіцца кухня-гасцёўня з камінам, жылы пакой і санвузел. З асобнага пакоя ёсць выхад на балкон.
Вышыня столяў — вышэй за тры метры. На падлозе ляжыць паркет і плітка.
На другім паверсе ёсць тры асобныя жылыя пакоі і санвузел. Да адной спальні прылягае гардэробная. На гэтым паверсе ўстаноўлены мансардныя вокны.
Насупраць дома размяшчаецца парк Чалюскінцаў і Батанічны сад. Побач з домам знаходзіцца станцыя метро.
Квадратны метр абыдзецца ў 2 207 даляраў. Кошт кватэры — 320 тысяч даляраў.
Цяпер чытаюць
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы1616
Каментары