Літва назвала яшчэ пераходы, якія могуць закрыць, і два крытэры, па якіх цалкам закрыюць мяжу ЕС з Беларуссю
Міністры краін Балтыі і Польшчы дамовіліся пра два асноўныя крытэры, пры якіх будзе цалкам закрытая мяжа з Беларуссю, паведаміла кіраўнік Міністэрства ўнутраных спраў Літвы Агнэ Білатайце, піша Delfi.lt.
«Іх два: па-першае, узброены інцыдэнт або інцыдэнты ля мяжы адной з краін. Гэта павінна быць такім, што ўяўляе сур'ёзную пагрозу нацбяспецы краін, — сказала міністр. — Другі крытэр — арганізаваны масавы прарыў нелегалаў.
«Калі будзе зафіксаваны адзін з такіх інцыдэнтаў, то пройдзе аператыўны абмен інфармацыяй паміж нашымі службамі, і тады будзе прынятая пастанова на ўзроўні ўрадаў», — патлумачыла літоўская міністарка.
Таксама паведамляецца, што ў сумеснай заяве кіраўнікі МУС запатрабавалі ад рэжыму Лукашэнкі «неадкладна вывесці ПВК «Вагнер» з тэрыторыі Беларусі і прыбраць нелегальных мігрантаў з памежнай зоны».
Да таго, МУС Літвы, паводле слоў Агнэ Білатайце, прапануе ў найбліжэйшы час закрыць яшчэ два КПП на мяжы з Беларуссю: «Лаварышкі» (з беларускага боку — «Катлоўка») і «Райгардас» («Прывалка»).
«Гэта звязана з двума аспектамі: па-першае, ёсць неабходнасць у памежніках. Нам сёння трэба, каб як мага больш супрацоўнікаў дзяжурылі ля зялёнай зоны», — патлумачыла міністр.
Другая прычына — праблема кантрабанды. «Закрыццё КПП дапамагае ў вырашэнні гэтай праблемы», — акцэнтавала Білатайце.
У такім выпадку пасля закрыцця яшчэ гэтых пунктаў застануцца адкрытымі яшчэ два КПП: «Шальчынінкай» (з беларускага боку — «Беняконі») і «Меднікі» (з беларускага боку — «Каменны Лог»).
На мінулым тыдні былі закрытыя «Шумск» (з беларускага боку — «Лоша») і «Цверач» («Відзы»).
Мяжа ЕС з Беларуссю пакуль не будзе закрытая — кіраўнік МЗС Латвіі
Інцыдэнт на мяжы Літвы з Беларуссю: невядомыя асобы з беларускага боку зрэзалі два слупы з відэакамерамі
Літва падумвае пра закрыццё мяжы з Калінінградскай вобласцю
Прэзідэнт Польшчы расказаў, што павінен зрабіць Мінск для паляпшэння адносін з Варшавай
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ19
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3030
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»30
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары