МЗС запатрабавала ад Польшчы тлумачэнняў адносна верталёта, які нібыта заляцеў у паветраную прастору Беларусі
МЗС Беларусі запатрабавала ад Польшчы тлумачэнняў і правядзення расследавання па факце парушэння вайсковым верталётам дзяржаўнай мяжы. Пра гэта паведамляе прэс-служба ведамства.
У МЗС 1 верасня быў выкліканы часовы павераны ў справах Польшчы ў Беларусі Войцех Філімановіч.
«Ад польскага боку запатрабаваныя адпаведныя тлумачэнні і правядзенне стараннага расследавання здарэння. Аб выніках расследавання і прычынах таго, што адбылося, як гэта прынята ў міжнародных зносінах, павінен быць апавешчаны беларускі бок у прымальныя тэрміны. Звернута ўвага на недапушчальнасць парушэння дзяржаўнай мяжы Рэспублікі Беларусь. Выказана настойлівая просьба да Варшавы прыняць меры для выключэння такіх інцыдэнтаў у будучыні», — гаворыцца ў паведамленні МЗС.
Сёння, 1 верасня, Дзяржпагранкамітэт Беларусі заявіў аб нібыта парушэнні паветранай прасторы Беларусі з боку Польшчы ў Бераставіцкім раёне. Паводле паведамлення ДПК, вайсковы верталёт Мі-24 на гранічна малой вышыні перасёк дзяржаўную мяжу, заляцеў на глыбіню да 1200 метраў на тэрыторыю Беларусі, а затым вярнуўся назад.
Цяпер чытаюць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам4
Каментары