У Нямеччыне беларус напаў з нажом на паляка з-за спрэчкі наконт Украіны і атрымаў салідны тэрмін
«Я не хацеў яго забіваць», — кажа наш суайчыннік.
Ілюстрацыйнае фота. Фота: Popular Mechanics
Суд у горадзе Фрайбург-ім-Брайсгау асудзіў 44-гадовага грамадзяніна Беларусі да 3 гадоў і 9 месяцаў турмы за тое, што ў студзені той ледзь не забіў калегу з Польшчы, піша Bild.
Абодва працавалі на будоўлі на поўдні краіны. Будучы ў нецвярозым стане, беларус шэсць разоў ударыў паляка кухонным нажом. Пацярпелага аператыўна даставілі ў бальніцу і выратавалі.
На судзе беларус заявіў, што яны абмяркоўвалі вайну ва Украіне, а калега з Польшчы нібыта паводзіў сябе правакацыйна.
«Я ніколі не збіраўся яго забіваць», — сказаў ён.
Беларус дадаў, што сам пакінуў родную краіну ў 2022 годзе з палітычных матываў.
Каментары
А чаму не ў Беларусі і за Беларусь???
А чаму не ў Украіне і за Ўкраіну??
🤔