«Якое нахран адзінства?» Просты беларус выказаўся ў тыктоку пра Дзень народнага адзінства
Пакуль пад націскам аддзелаў ідэалогіі беларусы бурна імітуюць «народнае адзінства», тыктокер з нікам Воўк выказаўся пра гэта свята ў тыктоку.
Воўк кажа, што яму так «хочацца выказацца, проста, блін, кіпіць усё ўнутры», таму ён рашыўся выкласці свой запіс у інтэрнэт.
Мужчына мяркуе, што сёння адзначаюць свята, якое ўзята ці то з нябёсаў, ці то са столі.
«Блін, ну, так я вам скажу. Якое нахран адзінства, калі кіраўніцтва жыве сваім жыццём, а звычайныя рабацягі жывуць сваім жыццём. Прыходзіш да дырэктара нешта спытаць — наконт жыцця, працы. Ён кажа… Ведаеце, што кажа? — «Не падабаецца, вунь — вароты, да пабачэння». Вось і ўсё народнае адзінства».
Мужчына кажа, што ёсць яшчэ святы, пра якія можна «многа распавесці», але гэта — адно з іх.
Гэта кароткая і простая прамова пад назвай «Праўда-матка» выклікала шмат каментароў: адны падтрымліваюць чалавека, іншыя абураюцца: маўляў, думай, што гаворыш.
Відавочна, што мужчына цалкам далёкі ад палітыкі. У яго акаўнце — простыя ролікі: застолле, караоке, хатняя гаспадарка, рыбалка.
Але і далёкі ад палітыкі чалавек разумее, што нават за словы пра імітацыю адзінства яго могуць звольніць. «Можа, у панядзелак ужо мая працоўная [кніжка] будзе ляжаць на стале», — кажа ён, але спадзяецца, што гэтага не здарыцца.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім6
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары