Грамадства1919

«Усе фонды, якія мы закрылі, сабраць пад адзін дах». Лукашэнка апраўдваўся адносна новай рэзідэнцыі 

На нарадзе па пытаннях адукацыі Лукашэнка закрануў тэму новай рэзідэнцыі ў Мінску, якая, па звестках «Белпола» і «Нашай Нівы», ствараецца для яго як для будучага старшыні Усебеларускага народнага сходу.

Па інфармацыі «Нашай Нівы», будынак былога аддзялення афтальмалогіі Рэспубліканскага клінічнага медыцынскага цэнтра (гэта значыць прэзідэнцкай бальніцы), шыкоўная рэканструкцыя якога цяпер завяршаецца, — гэта ў задуме рэзідэнцыя старшыні Усебеларускага народнага сходу. Такую новую пасаду Аляксандр Лукашэнка прапісаў у Канстытуцыі ў 2022 годзе. Уладальнік гэтай пасады мае паўнамоцтвы кантраляваць прэзідэнта краіны, што дало падставы меркаваць, што яна задуманая пад самога Лукашэнку на перыяд, калі ён пастарэе і захоча перадаць уладу падкантрольнаму сабе пераемніку.

Відавочна, што Лукашэнку далажылі пра публікацыі незалежных медыя, і выхад на свет таямніц яго зачапіў, бо ў сваім выступленні перад удзельнікамі нарады па адукацыі ён адмыслова звярнуўся да гэтай тэмы, адзначыўшы, што ў краіне, маўляў, пачынаецца электаральная кампанія, таму варожыя сілы актывізаваліся і спрабуюць укусіць у тым ліку і яго, хоць ён, маўляў, у дэпутаты і не ідзе.

Паводле версіі Лукашэнкі, стары будынак, як ён сцвярджае, «рэабілітацыйнага» аддзялення бальніцы ягонае Упраўленне справамі адрамантавала, і ён даручыў

«на другіх паверхах усе фонды, якія мы закрылі, сабачак лячылі, катоў, дабрачынныя і гэтак далей сабраць пад адзін дах».

Што пад гэтым маецца на ўвазе, сказаць складана, а ў падрабязнасці Лукашэнка не ўдаваўся, таму апраўданне атрымалася не вельмі пераканаўчым. 

Замест падрабязнасцяў ён кінуўся ў агульнапалітычныя разважанні: рэзідэнцый, маўляў, у яго і без таго хапае, і яму без розніцы, дзе працаваць, «Караніка адсюль ці адтуль знайду імгненна, кнопку націснуўшы». 

А паведамляюць пра гэта, маўляў, каб «мачануць», згадаўшы пра ёршыкі па 600 рублёў, якіх нібыта няма і быць не можа. Затое «ідзе накат, і выбіраюць цэнтральных людзей, на каго націснуць і па кім ударыць». 

Лукашэнка заклікаў «даносіць гэта да людзей і ім тлумачыць», бо «на кожнага, хто так ці іначай патрыёт, ужо рыхтуецца інфармацыйная атака». А каб не апраўдвацца за ёршыкі, трэба «працаваць не аглядаючыся і рабіць канкрэтныя справы».

Каментары19

  • Однако
    21.09.2023
    Однако, ненавистнику беларуского в Беларуси и специалисту по уничтожению беларуского в Беларуси, мало 18 резиденции......все построены, в благодарность от русского мира, за борьбу и тяжкие труды по приведению Беларуси и беларусов в российское стойло обосранных коров....
  • НН, зачем вы это поток сознания транслируете?)
    21.09.2023
    Непонятно, для кого было это оправдание. Если для своих рабов, то они все равно только биде смотрят и «советскую б» читают.

    А патриоты этот скулёж все равно не заметят.

    по сути - 18 резиденций за почти 30 лет - это вообще ни о чем. не оправдывайся перед рабами и гони их в шею - надо строить больше, роскошней и жирнее - чтоб через 30 лет, к 60 летию твоего пересидентства, было минимум 150 - по всему периметру концлагеря.
  • Снегагенератар для генератара пургі
    21.09.2023
    Па сутнасці, пераказвае змест расследавання. Там жа таксама было выразна сказана, што ў рэзідэнцыі будзе магчымасць не толькі жыць ды працаваць, але і лячыць Са-бач-ку. :)

Цяпер чытаюць

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Усе навіны →
Усе навіны

Больш танныя балістычныя ракеты радыкальна мяняюць правілы вайны1

Пажар тушаць гукам. Як гэта магчыма?

Сабаленка пракаментавала, што яе нецэнзурныя словы адрасаваліся не Світолінай16

Сустрэча Пуціна, Сі Дзіньпіна і Трампа пройдзе 19 лістапада1

Стала вядома, дзе будзе знаходзіцца Офіс Ціханоўскай у Варшаве32

Латушка заклікаў адхіліць Арыну Сабаленка ад усіх турніраў пад эгідай WTA39

Дырэктар сеткі салонаў «На сувязі» застрэліў на паляванні мядзведзя21

Джоні Дэп вяртаецца ў Галівуд пасля байкоту5

На Кіпры п’яны расіянін прычапіўся да п’янай украінкі. Яе спадарожнікі збілі яго на горкі яблык — можа страціць вока36

больш чытаных навін
больш лайканых навін

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Галоўнае
Усе навіны →

Заўвага:

 

 

 

 

Закрыць Паведаміць