Ва ўніверсітэтах краіны ўводзяць абавязковую вайсковую падрыхтоўку
Вывучаць вайсковую падрыхтоўку ўсе беларускія студэнты пачнуць з верасня 2024 года. Пра гэта заявіў начальнік ваенна-транспартнага факультэта БелДУТ, палкоўнік Аляксей Паддубны.
Паводле яго, цяпер вызначаецца колькасць гадзін і агульная праграма, па якой студэнты будуць вывучаць дысцыпліны агульнавайсковай накіраванасці.
Паддубны патлумачыў, што ў Беларусі армія кампактная, і не ўсё насельніцтва праходзіць службу ва УС. Для таго і існуе падрыхтоўка для студэнтаў.
«Вайсковая падрыхтоўка неабходная ўсім студэнтам, каб кожны меў паняцце аб элементарных вайсковых навыках. Гэта тактычная медыцына — як аказаць дапамогу сабе і блізкім, элементарныя навыкі абыходжання з хімічнымі атрутнымі рэчывамі, уменне абыходзіцца з мінна-выбуховымі агароджамі, і вядома, элементарныя навыкі агнявой падрыхтоўкі», — сказаў Паддубны на гомельскім тэлебачанні.
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары