Свет

Канстытуцыйны суд Грузіі слухае справу аб імпічменце прэзідэнту Зурабішвілі

Канстытуцыйны суд Грузіі пачаў першыя ў гісторыі краіны слуханні па справе аб імпічменце прэзідэнта. Кіроўная партыя настойвае на адстаўцы Саламэ Зурабішвілі і абвінавачвае яе ў тым, што яна парушыла асноўны закон краіны, калі адправілася ў замежныя візіты без дазволу ўрада, піша Бі-бі-сі.

Саламэ Зурабішвілі. Фота: Mzia Saganelidze / «Радыё Свабода»

Заяву дэпутатаў аб магчымым парушэнні Канстытуцыі прэзідэнтам падаюць чатыры члены парламента, у тым ліку і старшыня кіроўнай партыі Іраклій Кабахідзэ.

Сама прэзідэнт на пасяджэнне суда, якое праходзіць у Батумі, не паехала.

У «Грузінскай мары» лічаць, што паездкі Зурабішвілі парушалі 52-ты артыкул Канстытуцыі Грузіі, паводле якога прэзідэнт вядзе перамовы і выконвае прадстаўнічыя паўнамоцтвы ў замежнапалітычных адносінах са згоды кабінета.

Мэтай візітаў у еўрапейскія краіны і сустрэч з еўрапейскімі лідарамі прэзідэнт называе еўрапейскую інтэграцыю Грузіі і атрыманне Грузіяй статусу кандыдата ў ЕС. Заявы еўрапейскіх лідараў, з якімі сустракалася Зурабішвілі, гэта пацвярджаюць.

Але ў кіроўнай партыі кажуць пра адваротнае. «Грузінская мара» абвінавачвае прэзідэнта ў сабатажы нацыянальных інтарэсаў краіны і перашкодзе атрыманню статусу кандыдата ў ЕС, які Грузія, у адрозненне ад Малдовы і Украіны, не атрымала летам мінулага года.

Рашэнне наконт атрымання Грузіяй статусу чакаецца да канца гэтага года. Да гэтага сваю ацэнку і рэкамендацыі павінна прадставіць Еўрапейская камісія.

Удар па еўраінтэграцыі?

Зварот у Канстытуцыйны суд з патрабаваннем абвясціць імпічмент прэзідэнту за парушэнне Канстытуцыі падпісалі 80 дэпутатаў.

Калі суд пагодзіцца і дакажа, што прэзідэнт сапраўды парушыла Канстытуцыю, працэс перамесціцца ў парламент. У гэтым выпадку на працягу двух тыдняў пасля судовага заключэння павінна прайсці галасаванне па пытанні аб адхіленні Зурабішвілі ад пасады.

Але ў тым, што імпічмент будзе даведзены да канца, сумняваюцца нават самі ініцыятары працэсу, бо для гэтага трэба не менш за дзве траціны галасоў поўнага складу парламента (гэта значыць, падтрымка імпічменту з боку па меншай меры 100 дэпутатаў). У парламенцкай большасці цяпер толькі 84 дэпутаты.

Большая частка апазіцыянераў, у тым ліку дэпутаты самай буйной апазіцыйнай партыі «Адзіны нацыянальны рух», абяцаюць прагаласаваць супраць адхілення ад пасады Зурабішвілі або зусім не ўдзельнічаць у галасаванні. У апазіцыі ўпэўненыя, што запуск імпічменту напярэдадні пастановы аб наданні Грузіі статусу кандыдата ў Еўрапейскі Саюз — не выпадковасць.

«Гэта сабатаж еўрапейскага курсу Грузіі, гэта сабатаж — асабліва ў момант, калі мы чакаем статусу кандыдата, і нашы міжнародныя партнёры сочаць за кожным крокам грузінскіх уладаў. Ніякай прававой падставы для пачатку імпічменту прэзідэнта не існуе», — заявіла напярэдадні слуханняў у Канстытуцыйным судзе дэпутатка найбуйнейшай апазіцыйнай партыі «Адзіны нацыянальны рух» Ана Цытлідзэ.

З тым, што разгляд імпічменту можа перашкодзіць еўрапейскай інтэграцыі Грузіі, згаджаюцца і ў грамадзянскім сектары. Тут нагадваюць, што, згодна з Канстытуцыяй Грузіі, як прэзідэнт, так і ўрад абавязаны прымаць усе меры для інтэграцыі краіны ў ЕС.

«Выклікае трывогу тое, што ўрад не толькі ігнаруе гэты абавязак, але і перашкаджае прэзідэнту Грузіі — канстытуцыйнаму органу — рэалізаваць гістарычны выбар нашага народа. Перашкода еўрапейскай інтэграцыі якраз і ўяўляе сабой парушэнне Канстытуцыі», — гаворыцца ў сумеснай заяве, якую распаўсюдзілі адзінаццаць няўрадавых арганізацый з нагоды пастановы кіроўнай партыі пачаць працэдуру імпічменту Зурабішвілі.

Як паказваюць апытанні, абсалютная большасць насельніцтва Грузіі выступае за будучыню краіны ў НАТА і ЕС.

Каментары

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Як у кіно. У цэнтры Гродна 19‑гадовы хлопец з аднаго ўдару паваліў слуп13

Свет на парозе фінансавага абвалу, яшчэ больш агрэсіўны Трамп і небяспека для Тайваня. The Economist даў прагноз на 2027 год13

Жанчыне, якая арганізавала ў Мінску незалежную культурную прастору, далі пяць гадоў калоніі18

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць