Гродзенскага святара аштрафавалі за падпіску на інстаграм земляка і забралі тэлефон
Сёння ў Гродне прайшоў суд над праваслаўным святаром Андрэем Ноздрыным. Яго абвінавацілі па арт.19.11. КаАП (распаўсюджванне экстрэмісцкіх матэрыялаў), піша «Хрысціянская візія».
Святара затрымалі некаторы час таму, праверылі яго тэлефон і сацсеткі і знайшлі ў інстаграме падпіску на гарадзенскага журналіста Руслана Кулевіча, сацсеткі якога былі прызнаныя экстрэмісцкімі матэрыяламі ў студзені 2023 года.
Быў складзены пратакол.
У выніку суддзя Алена Тоўсцік-Самойла вырашыла пакараць святара штрафам 15 базавых велічынь (555 рублёў).
Таксама была канфіскавана «прылада злачынства» — мабільны тэлефон.
Каментары