Пазіцыя Расіі ў палесціна-ізраільскім канфлікце «добра вядомая», Масква заўсёды выступала за стварэнне незалежнай дзяржавы Палесціна, заявіў Уладзімір Пуцін на пленарным пасяджэнні Міжнароднага форуму «Расійскі энергетычны тыдзень», піша РБК.
«Пазіцыя Расіі, пра якую вы згадалі, і я толькі што выклаў, яна склалася не сёння, не ў сувязі з гэтымі трагічнымі падзеямі, а на працягу дзесяцігоддзяў. І гэтая пазіцыя добра вядомая і ізраільскаму боку, і нашым сябрам у Палесціне. Мы заўсёды выступалі за выкананне пастаноў Рады Бяспекі ААН, маючы на ўвазе перш за ўсё стварэнне незалежнай суверэннай палесцінскай дзяржавы», — сказаў Пуцін.
Ён адзначыў, што першапачаткова гаворка ішла аб стварэнні дзвюх незалежных і суверэнных дзяржаў — Ізраіля і Палесціны.
«Ізраіль, як вядома, створаны, а Палесціна як самастойная і суверэнная дзяржава так і не створаная», — падкрэсліў кіраўнік расійскай дзяржавы.
Цяпер чытаюць
26‑гадовага супрацоўніка элітнага падраздзялення мытні асудзілі на 16 гадоў па наборы палітартыкулаў. Сярод іх і «здрада дзяржаве»4
Каментары