Стала вядома, што 22 верасня ў судзе Партызанскага раёна Мінска адразу чатырох людзей асудзілі паводле арт. 342 (арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх) Крымінальнага кодэкса, піша «Вясна».
Дзмітрыя і Лізавету Кляніцкіх асудзілі да трох гадоў абмежавання волі без накіравання ў ПУАТ — «хатняй хіміі», Дзмітрыя Мурашку — да двух з паловай гадоў «хатняй хіміі», а Жанну Нагулу — да двух гадоў і трох месяцаў «хатняй хіміі».
Вядома, што Кляніцкія былі пад вартай да вынясення прысуду. Іх вызвалілі ў зале суда. Мурашка і Нагула былі на волі пад закладам у памеры 3700 рублёў кожны.
Усіх чатырох ідэнтыфікавалі па фотаздымках, якія знайшлі ў аднаго з іх. Усе фігуранты справы ўнесеныя ў «спіс экстрэмістаў».
Прысуд агучыў суддзя Міхаіл Макарэвіч.
Дзядок расказаў, як паводзіў бы сябе ў сённяшняй Беларусі і што будзе далей5
Каментары