На яшчэ адной хэлаўінскай вечарынцы ў ЗША адбылася страляніна з ахвярамі
Адна жанчына загінула і дзевяць чалавек атрымалі раненні ў выніку перастрэлкі на вечарыне ў гонар Хэлаўіна ў амерыканскім Індыянапалісе (штат Індыяна), паведаміла CNN.
Паведамляецца, што інцыдэнт адбыўся ў ноч на 29 кастрычніка. Супрацоўнікі паліцыі ўжо накіроўваліся да месца здарэння з-за скаргі на правядзенне вялікай вечарынкі ў гонар Хэлаўіна, калі пачулі стрэлы і ўбачылі натоўп, які бег адтуль.
Па словах паліцыянтаў, адзін чалавек, як мяркуецца, дарослая жанчына, загінула на месцы здарэння. Яе асоба пакуль не ўстаноўлена. Яшчэ дзевяць чалавек былі дастаўленыя ў бальніцы, паводле папярэдніх даных, іх узрост вар'іруецца ад 16 да 22 гадоў. Усе параненыя знаходзяцца ў стабільным стане.
На месцы здарэння было выяўлена некалькі адзінак агнястрэльнай зброі. Некалькі чалавек былі затрыманыя, цяпер высвятляецца іх датычнасць да інцыдэнту.
Раней у тую ж ноч у горадзе Ібар-Сіці (штат Фларыда, ЗША) падчас святкавання Хэлаўіна дзве групоўкі развязалі бойку і адкрылі стральбу. Гэта прывяло да гібелі двух чалавек і шпіталізацыі яшчэ 18.
«Беларусь цябе любіць». Рэпартаж з развітання з Мікітам Мелказёравым8
Каментары