Заўчасна вызвалілі былога дырэктара «Белтэлекама». Ён даваў паказанні на Уцюрына
Былы дырэктар «Белтэлекама» Сяргей Сівадзедаў праходзіў па «справе Уцюрына» — былога начальніка аховы Лукашэнкі і намесніка дзяржсакратара ў Радзе бяспекі.
Сівадзедаў заключыў дасудовае пагадненне і даваў паказанні на астатніх хабарнікаў.
Яму далі значна менш, чым Андрэю Уцюрыну, — сем гадоў калоніі ўзмоцненага рэжыму па ч. 3 арт. 430 КК.
Як стала вядома «Нашай Ніве», пэўны час таму Сівадзедаў выйшаў на волю, не дабыўшы часткі тэрміну.
Затрыманы фігуранты справы былі на пачатку мая 2019-га.
«Хлопцы па гэтай справе пісалі шмат прашэнняў аб памілаванні. Самае імавернае, што адбылася замена неадбытай часткі пакарання больш мяккай», — патлумачыў «Нашай Ніве» абазнаны суразмоўца.
[Удакладнена: Сівадзедаў выйшаў на волю 31 мая.]
Гэтая інфармацыя карэлюе з тым, што з недабудаванага дома былога начальніка аховы Лукашэнкі Андрэя Уцюрына знялі арышт і ён выстаўлены на продаж.
Чытайце таксама: З недабудаванага дома Уцюрына ў Драздах знялі арышт. Той прадае яго за $1,3 мільёна
Дом у Драздах прадаецца за $1,3 мільёна.
«Імаверна, Уцюрына таксама рыхтуюць да выхаду, даўшы магчымасць кампенсаваць шкоду за кошт продажу дома», — рэзюмуюць нашы суразмоўцы.
«Наша Нiва» — бастыён беларушчыны
ПАДТРЫМАЦЬ-
Шрайбман: Ад адных чую, што Мінск стаў пустым і ўсе чакаюць вяртання людзей. А іншая пазіцыя: усё нармальна, з’ехалі — на здароўе
-
Святлана Шаціліна патлумачыла, чаму пакінула пасаду кіраўніцы Місіі дэмсіл Беларусі ва Украіне
-
Паездка на самакаце абышлася мінчанцы ў 16 тысяч даляраў — столькі давядзецца патраціць на зубы
Цяпер чытаюць
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА77
Каментары