Моды11

Еўропа спыняе ззянне. Топ беларускай касметыкі з бліскаўкамі, якая можа замяніць заходнія аналагі

Неўзабаве Еўропа застанецца без бліскавак — віной таму забарона на выкарыстанне пластыкавых часціц у касметычных прадуктах. Зрэшты, аматарам яркага макіяжу не варта адразу бегчы ў крамы, бо і ў беларускіх вытворцаў можна знайсці шмат цікавага. Напрыклад: бляск для вуснаў з веганскім калагенам і зіхатлівыя румяны, якія зробяць скуру «як у юнацтве». 

У канцы верасня Еўракамісія забараніла выкарыстоўваць мікрапластык у некаторых групах тавараў, у тым ліку — у касметыцы.

Падставай да забароны стала масавае забруджванне навакольнага асяроддзя драбнюткімі палімернымі часціцамі і іх патэнцыйная шкода для чалавека. Так, даследчыкі з Кентэрберыйскага ўніверсітэта ў Новай Зеландыі выявілі элементы пластыку ў снезе, які толькі выпаў у Антарктыдзе. Белае і Баранцава моры таксама аказаліся сур'ёзна забруджаныя: каля 80% знойдзеных крупінак у іх донных адкладах і вадзе складаюцца з поліэтыленавых гранул памерам 200-300 мікраметраў.

Нават Эверэст пацярпеў ад палімераў: у 2020 годзе навукоўцы з Плімуцкага ўніверсітэта знайшлі дробны пластык у вадзе і снезе на вышыні 8440 метраў.

З гэтай нагоды аматарам шымеру хутка прыйдзецца адмовіцца ад зіхатлівых вобразаў. Забарона ўжо адбілася на продажы касметыкі: нягледзячы на ​​тое, што тавары, якія змяшчаюць бліскучыя часціцы, застануцца ў продажы да 16 кастрычніка 2025 года, пакупнікі масава змятаюць іх з паліц ужо сёння.

Аднак беларускія вытворцы не збіраюцца пакідаць аматараў яркага макіяжу без ззяння. Сабралі найлепшыя прадукты.

Relouis

Кампанія Relouis прапануе сем адценняў зіхатлівых ценяў у рэфілах. Вытворца абяцае wow-эфект: шаўкавістую, высокапігментаваную тэкстуру, якая лёгка наносіцца і не абсыпаецца.

тени Рэлуи
Фота: сайт брэнда

У вытворцы ёсць і модныя крэмавыя прадукты. Напрыклад, цені Sparkle Liquid Eyeshadow, якія можна выкарыстоўваць у розных варыянтах: маляваць стрэлкі, расстаўляць акцэнты і рабіць эфектныя smoky eyes.

Тени Релуи
Фота: інстаграм брэнда

Belita-M

Добра знаёмы пакупнікам брэнд «Беліта-М» прапануе гелі для душу і спрэі з эфектам лёгкага шымеру. Як сцвярджае вытворца, парфумаваная лінія Feel Happy не толькі дорыць устойлівы водар, але і падкрэслівае прыгажосць загарэлай скуры.

Белита
Фота: сайт брэнда

Luxvisage

Хайлайтар MOONLIGHT ад Luxvisage стане незаменным памочнікам для скульптуравання твару — далікатныя жамчужныя часціцы нададуць скуры свежасці.

Хайлайтер Люксвизаж
Фота: сайт брэнда

Дапоўняць вобраз вадкія цені для павекаў — з імі можна стварыць устойлівы макіяж усяго за пару хвілін.

Тени Люксвизаж
Фота: сайт брэнда

«Вітэкс»

Брэнд «Вітэкс» прапануе запечаныя шаўковыя румяны LUXSHOW. Мяккае цёплае адценне знойдзе годнае месца ў касметычцы рыжавалосых паненак. Вытворца гарантуе «эфект пругкай, гладкай і свежай скуры, як у юнацтве», а таксама рэкамендуе дадаткова выкарыстоўваць румяны ў якасці ценяў для павек.

Румяна Витэкс
Фота: сайт брэнда

Піск касметычнай моды — бляск-плампер для павелічэння аб'ёму вуснаў. Прадукт ад «Вітэкс» змяшчае веганскі калаген, а за кошт інавацыйнай формулы забяспечвае падвойнае дзеянне: як абяцаюць, напаўняе вусны аб'ёмам знутры і візуальна павялічвае іх звонку.

Блеск Витэкс
Фота: сайт брэнда

LiLo

Каб падкрэсліць выразнасць вачэй, можна выкарыстоўваць падводку з эфектам «металік». Аматараў макіяжу парадуе разнастайнасць адценняў — у палітры іх ажно сем.

Подводка Лило
Фота: інстаграм брэнда

Яшчэ адзін цікавы прадукт LiLo — цені-алоўкі COSMIC. Такія лёгка тушуюцца і выдатна спалучаюцца з іншымі крэмавымі прадуктамі.

Карандаш Лило
Фота: інстаграм брэнда

Пры ўсёй раскошы бліскавак, выкарыстоўваць іх у штодзённым макіяжы не заўсёды зручна. Таму мы падрыхтавалі топ-касметычных сродкаў, якія могуць спатрэбіцца незалежна ад нагоды.

Каментары1

  • ЧучаМуча
    01.11.2023
    Можна было б проста абавязаць карпарацыі выпускаць прадукты з меньшым ужываньнем пластыку. Часта прадукцыя выпускаецца ў большай упакоўцы чым трэба. Жанчыны ў Еўропе не вялікія аматары макіяжу, але выглядае так, быццам яны запаланілі гліттэрам усе акіяны
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Стала вядома пра арышт журналісткі Паліны Піткевіч

Стала вядома пра арышт журналісткі Паліны Піткевіч

Усе навіны →
Усе навіны

Маск загадаў усім федэральным чыноўнікам ЗША справаздачыцца, што яны робяць, або звольніцца21

Беларуску затрымалі ў Пецярбургу «за абразы Лукашэнкі»5

У Нямеччыне пачаліся датэрміновыя выбары ў Бундэстаг, якія прывядуць да змены ўлады4

Звесткі Пентагона абвяргаюць заявы Трампа, што ЗША выдзелілі Украіне $350 млрд8

Шарэнда-Панасюк патлумачыла, чаму ў зняволенні адмаўлялася ад тэлефонных званкоў дадому5

Каманда Трампа ўпэўнена, што зможа скончыць вайну на наступным тыдні17

«Рэдказямельныя металы, нафта, і ўсё, што зможам атрымаць»: Трамп заявіў, што яшчэ хоча замест «укладзеных ва Украіну грошай»23

Беларус адкрыў у Варшаве студыю манікюра, дзе робяць пачварныя пазногці ФОТЫ6

2025 — год топавых кінасіквэлаў. Працяг якіх фільмаў варта не прапусціць6

больш чытаных навін
больш лайканых навін

Стала вядома пра арышт журналісткі Паліны Піткевіч

Стала вядома пра арышт журналісткі Паліны Піткевіч

Галоўнае
Усе навіны →

Заўвага:

 

 

 

 

Закрыць Паведаміць