Свет

«Спроба выкарыстаць паслявыбарчую сітуацыю». Польшча адказала на прымірэнчую рыторыку Лукашэнкі

Беларусь і Расея «працягваюць аперацыі», накіраваныя на «разбурэнне іміджу Польшчы, падрыў узаемнага даверу паміж палякамі і ўкраінцамі, высмейванне польскіх структур бяспекі і распаўсюджванне трывогі ў грамадстве», лічыць прадстаўнік ураду ў пытаннях бяспекі інфармацыйнай прасторы Станіслаў Жарын.

Сцяна, пабудаваная Польшчай на мяжы з Беларуссю. Фота: StZaryn / Twitter

Жарын напісаў пост пад назваю «Дэзынфармацыя супраць Польшчы», прысвечаны публічнай рыторыцы Беларусі і Расіі ў адносінах да Польшчы.

Паводле Жарына, крамлёўская прапаганда працягвае спрабаваць дыскрэдытаваць абараназдольнасць Польшчы, «прасоўваючы наратыў, што вайсковы патэнцыял польскіх Узброеных сіл перабольшаны». 

«У той жа час рашэнне Міністэрства абароны Польшчы аб стварэнні танкавага батальёна на ўсходзе краіны было «інтэрпрэтаванае крамлёўскай прапагандай, у тым ліку і Пясковым, як крок да эскалацыі напружанасці ў адносінах з Менскам і Масквой», — напісаў чыноўнік. 

У сваю чаргу Аляксандр Лукашэнка, звярнуў увагу Жарын, «у сваёй прапагандысцкай дзейнасці» падае сігналы аб адкрытасці Менску да дыялогу з будучым урадам Польшчы, «пры гэтым забываючыся на ўсё дрэннае, што нібыта было зроблена Польшчай да гэтага часу». 

«У той жа час рэжым Лукашэнкі паслядоўна прадстаўляе цяперашнюю палітыку Варшавы як агрэсіўную, правакацыйную, якая наносіць шкоду Польшчы і Еўропе», — дадаў ён. 

Падобныя заявы беларускага рэжыму, лічыць Жарын, варта ўспрымаць як спробу выкарыстаць паслявыбарчую сітуацыю ў Польшчы для змякчэння пазіцыі польскага ўрада ў дачыненні да варожых дзеянняў Менска, а таксама для абялення яго іміджу, поўнага няпраўды. 

Жарын напісаў, што працягваецца «пачатая Лукашэнкам» у 2021 годзе «аперацыя па «дэстабілізацыі польска-беларускай мяжы з дапамогай штучнай міграцыі», куратарамі якой зʼяўляюцца беларускія спецслужбы». 

«Гэтая аперацыя пастаянна суправаджаецца дэзынфармацыйнай актыўнасцю, якая палягае ў пастаянным паўтарэнні абвінавачанняў на адрас Памежнай службы Польшчы ў генацыдзе «ўцекачоў, якія перасякаюць або спрабуюць перасекчы памежны барʼер», — напісаў дзяржсакратар канцылярыі польскага прэмʼера.

Апошнія тыдні Аляксандр Лукашэнка крыху скарэктаваў сваю рыторыку ў адносінах да краін Захаду. 27 кастрычніка ён пахваліў палякаў за тое, што яны прагаласавалі за апазіцыю на выбарах, потым віншаваў народы Аўстрыі і Чэхіі, заявіўшы: «няпростыя часы пройдуць, і мы з патроенай сілай адновім узаемадзеянне». Падчас візіту ў Менск пры канцы кастрычніка кіраўніка МЗС Венгрыі Петэра Сіярта ён назваў сябе «заўзятым прыхільнікам захавання ЕС».

А 11 лістапада заявіў, што працягвае палякам «сяброўскую руку супрацоўніцтва».

Каментары

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны12

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

Карупцыйны скандал у Венгрыі: міністр Орбана закапаў у лесе 17 мільёнаў еўра7

«Лукашэнка ведае, што задумвае Пуцін, і вельмі гэтага баіцца». Чалы пра пагрозу новай вайны41

Алесь Бяляцкі сустрэнецца з чытачамі ў Варшаве, Кракаве і Уроцлаве1

Адна з самых масавых газет Расіі напісала пра «зняцце табу на ліквідацыю» Зяленскага4

У Беларусі ўсё больш машын у продажы. Старыя карчы яшчэ складаней прадаць?3

Украіна нанесла ўдар па аэрадроме Ахтубінска каля Астрахані, у глыбіні Расіі3

Акцёр з «Купалы» выклаў у вольны доступ ШІ-фільм, які прынёс яму 450 тысяч даляраў1

Эйсмант разлічвае, што на перамовах па Украіне спрацуюць беларускія карані Кушнера15

У Мінску пасля пяці месяцаў працы закрываецца піцэрыя Foca1

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны12

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць