Адзін з самых рэдкіх і неардынарных з вонкавага выгляду грыбоў — спарасіс кучаравы, або «грыбная капуста», знойдзены ў заказніку «Азёры» ў Гродзенскай вобласці. Грыб занесены ў Чырвоную кнігу Беларусі як знікаючы від, рваць або разбураць яго забаронена. Пра незвычайную знаходку напісаў Sputnik са слоў гродзенскага кінарэжысёра Максіма Гармаша.
«Часта бываю ў лясах пад Гроднам, але спарасіс кучаравы сустрэўся ўпершыню. Гэта ўнікальны грыб, сапраўдны скарб заказніка. Я зрабіў фота і відэа на памяць. І хачу расказаць усім, хто адпраўляецца ў лес, каб былі ўважлівымі. Калі сустрэнеце такі грыб, не трэба яго зрываць, таму што ён ахоўваецца дзяржавай як від, што знікае», — адзначыў Максім Гармаш.
Спарасіс кучаравы адносіцца да трутавых грыбоў, якія растуць на мёртвай драўніне, а вонкавым выглядам адрозніваюцца ад класічных. Іх пладовае цела не мае капялюшыка і ножкі, а разрастаецца ў мудрагелістыя формы.
У народзе спарасіс кучаравы называюць «грыбной капустай», бо ён мае форму кучаравага шара і здалёку вельмі нагадвае каляровую капусту. Спарасіс ядомы, але збіраць яго вельмі строга забараняецца, ён занесены ў Чырвоную кнігу Беларусі і іншых краін.
У пачатку лістапада аб з'яўленні чырванакніжнага грыба паведамілі ў прэс-службе Нацыянальнага парку «Белавежская пушча». Там параілі аматарам «ціхага палявання» пры выяўленні рэдкай для Беларусі «грыбной капусты» не зрэзаць спарасісу, а толькі палюбавацца яго прыгажосцю і зрабіць фота на памяць.
За збор чырванакніжнага грыба пагражае буйны штраф — ад 20 да 30 базавых велічынь (740 да 1110 рублёў) для фізічных асоб і ў некалькі разоў большы для юрыдычных.
«Пачала прымаць упрыкуску з лімонам, для вітамінаў». У Слонімскім раёне дзве жанчыны атруціліся мухаморамі
Ці ведаеце вы, што з вамі будзе, калі вам пададуць недастаткова правараныя грыбы шыітаке?
Мінчук знайшоў гіганцкі ядомы грыб, які заважыў 11 кілаграмаў
У Нацыянальным парку «Прыпяцкі» знайшлі чырвонакніжны грыб
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2525
Каментары