Свет22

Тэлеграм-канал жонак мабілізаваных атрымаў плашку Fake пасля атакі прапагандыста Салаўёва і праўладнага сумнавядомага юрыста

Месенджар Telegram пазначыў плашкай Fake канал «Путь домой» і рэгіянальныя чаты жонак мабілізаваных, якія спрабуюць арганізоўваць у Расіі мітынгі за дэмабілізацыю мужоў. Праўладны юрыст Ілля Рамясло патлумачыў гэта сваімі скаргамі. Ён таксама звязаў праект з экс-супрацоўніцай штаба Навальнага Ташай Пецярымавай, піша «Агенцтва».

Ілля Рэмясло

Плашка Fake увечары ў чацвер з'явілася ў канала «Путь домой» (амаль 27 тысяч падпісчыкаў), а таксама ў чатаў канала па Крыме, Саратаве, Яраслаўлі, Растове-на-Доне, Калінінградзе, Новасібірску і Омску. У апісанні канала і чатаў таксама з'явілася пазнака «Увага: многія скардзіліся, што гэты акаўнт выдае сябе за афіцыйны».

Канал адрэагаваў на гэтую падзею допісам: «Будзем расцэньваць як знак якасці. Разбіраемся з тэхпадтрымкай. Мы ўсё роўна ідзём наперад і не здамося! У каментары «Агенцтву» адміністратары канала пацвердзілі, што прычынай з'яўлення плашкі сталі масавыя скаргі. Тое, што адбылося, яны назвалі скаардынаваным нападам.

«Думаем, відавочна гэта атака Салаўёва і кампаніі», — патлумачылі аўтары.

Тэлеграм-канал Салаўёва 16 лістапада апублікаваў спіс антываенных рэсурсаў, якія стварылі ў Расіі замежныя спецслужбы для публікацыі негатыўных навін. Сярод іх быў і «Путь домой».

У той жа час юрыст Ілля Рэмясло ў сябе ў канале паведаміў, што плашка з'явілася па яго скарзе на крадзеж чужой назвы.

29 лістапада ён пісаў, што ў тэлеграме ёсць два каналы з назвай «Путь домой» і што ён падаў ад першага канала скаргу на другі. Паводле яго слоў, першы вядзе «выдатная валанцёрская, патрыятычна-настроеная, афіцыйна зарэгістраваная арганізацыя «Цэнтр садзейнічання добраахвотнаму перасяленню «Путь домой», якая дапамагае расіянам у «недружалюбных краінах» і пра якую пішуць Марыя Буціна, Уладзімір Салаўёў і іншыя. 

Ілля Рэмясло вядомы сваімі рэгулярнымі інфармацыйнымі атакамі на Аляксея Навальнага і яго паплечнікаў.

Самая гучная з іх здарылася падчас спробы палітыка балатавацца ў прэзідэнты ў 2018 годзе: Рэмясло на сайце NavalnyLeaks абвінаваціў Навальнага ў крадзяжах і перамовах з заходнімі структурамі супраць Расіі. The Insider у 2019 годзе апублікаваў перапіску паліттэхнолага, экс-кіраўніка ўпраўлення адміністрацыі прэзідэнта па ўнутранай палітыкі Канстанціна Косціна, дзякуючы якой высветлілася, што ён удзельнічаў у падрыхтоўцы праекта NavalnyLeaks.

Пра канал «Путь домой» Рэмясло пачаў пісаць з 28 лістапада. Ён звязаў яго з замежнымі спецслужбамі, якія выкарыстоўваюць сваякоў мабілізаваных, адной з аўтарак канала ён назваў экс-супрацоўніцу штаба Навальнага Ташу Пецярымаву.

Следам за Рэмяслом аб тым жа напісалі пракрамлёўскае выданне Readovka і прарасейскі вайсковы блогер Сямён Пегаў (WarGonzo).

Пецярымава ў гутарцы з «Агенцтвам» абвергла якую-небудзь сувязь з каналам «Шлях дадому». «Я думаю, што ўладзе трэба было дыскрэдытаваць нейкім чынам гэты канал і, відаць, патрэбная была нейкая асоба, звязаная з Аляксеем Навальным і з апазіцыяй. Паняцця не маю, чаму назвалі менавіта мяне. Магчыма, таму што я шмат пішу ў Twitter аб праблемах мабілізаваных», — выказала здагадку яна.

Канал «Путь домой» і аднайменныя рэгіянальныя чаты восенню 2023 года пачалі спробы арганізаваць мітынгі за дэмабілізацыю прызваных год таму расіян. Улады адмовіліся узгадняць ім акцыі. Напрыклад, у Маскве падставай для адмовы стаў кавід.

У панядзелак, 27 лістапада, канал апублікаваў зварот да расіянаў. У ім жонкі мабілізаваных заявілі, што дзяржава адвярнулася ад мабілізаваных і іх жонак — «тых, хто першы адгукнуўся на яго кліч аб дапамозе».

Таксама жанчыны выказалі спадзяванне, што Пуцін пачуе іх, і паабяцалі адступіць толькі пасля таго, як мужыкі вернуцца дадому.

Каментары2

  • Мда
    01.12.2023
    С этой дырявой телегой Дурова уже давно все понятно. ТГ, по запросу от кремлевских, вешает плашки на неугодные каналы, в то время как рашисткие z-каналы, открыто призывающие убивать украинцев, спокойно вещают в телеге и далее. Ранее в питерском офисе вконтакте сидел прикомандированный из фсб, теперь наверное аналогичный товарищ майор сидит и в дубайском офисе телеграм.
  • Папкорн
    01.12.2023
    Відавочны фэйк, на лагатыпе Шляха дамоў чорны пакет, а не сэрца на далоні.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Праз дзевяць месяцаў пасля вызвалення памёр палітвязень Валерый Богдан7

Праз дзевяць месяцаў пасля вызвалення памёр палітвязень Валерый Богдан

Усе навіны →
Усе навіны

Шрайбман: Цяперашнія канфлікты ў апазіцыі ўжо мала каго цікавяць14

Работнікі МНС выратавалі на пажары сабаку і ката, а потым зрабілі ім штучнае дыханне

Валанцёр «Вясны» Чапюк расказаў, як яго затрымаў ГУБАЗіК адразу на выхадзе з калоніі і як дапытвалі пра Міколу Дзядка2

14-гадовая Віка адмовіла ў сэксе — і гэта стала прычынай панажоўшчыны, у якой загінулі чацвёра падлеткаў у Байкальску11

На бетонным заводзе ў Гомелі загінуў кіроўца цэментавоза

«Тыдзень у Бразіліі, дзе цябе абрабуюць, або два тыдні ў бяспечнай Беларусі». Па што замежнікі едуць у нашу краіну6

Украіна атакавала тэхнапарк і завод па вытворчасці беспілотнікаў у Падмаскоўі1

Беларусь пераносіць вучэнні «Захад-2025» з заходніх межаў углыб краіны18

У назвах станцый метро на выхадах з падземкі зніклі некаторыя літары1

больш чытаных навін
больш лайканых навін

Праз дзевяць месяцаў пасля вызвалення памёр палітвязень Валерый Богдан7

Праз дзевяць месяцаў пасля вызвалення памёр палітвязень Валерый Богдан

Галоўнае
Усе навіны →

Заўвага:

 

 

 

 

Закрыць Паведаміць