Нерухомасць

Кватэры на вуліцы Карла Маркса ў Мінску. Ад савецкасці да рамонту ў сучасным стылі

Пра вуліцу Карла Маркса можна казаць як пра адно з самых атмасферных і знакавых месцаў Мінска. У XIX стагоддзі яна называлася Падгорнай і была прыгарадам сталіцы. Але з часам набыла статус цэнтра горада. Нязменнай засталася толькі даўжыня вуліцы — 1,3 км — з музеямі, помнікамі архітэктуры і адукацыйнымі ўстановамі.

«Куфар» паглядзеў цікавыя прапановы.

Карла Маркса, 36

У знакамітым «Доме пісьменнікаў», дзе ў свой час жылі Іван Шамякін, Іван Мележ, Максім Танк, Уладзімір Караткевіч і іншыя класікі беларускай літаратуры, прадаецца аднапакаёвая кватэра з акуратным рамонтам. У пары сотняў крокаў — Кастрычніцкая плошча. Побач з домам знаходзяцца Тэатр Янкі Купалы і сквер, на якія адкрываецца від з акна. Кватэра пасля капітальнага рамонту знаходзіцца на 2 паверсе.

Плошча аб'екта: 36,8 «квадрата». Пакой і кухня ізаляваныя. Санвузел паасобна, з ваннай. Кватэра прадаецца з мэбляй і бытавой тэхнікай.

Кошт: 307 197 рублёў ($99 000).

Карла Маркса, 6

У зацішным ціхім двары з шлагбаўмам прадаецца 2-пакаёвая кватэра. Дом размяшчаецца бліжэй да пачатку вуліцы, што кажа аб блізкасці да Галоўпаштамта і вакзала.

Тут практычна на кожным кроку працуюць кавярні, кафэ і рэстараны. Кватэра размешчана на 3-м паверсе. Агульная плошча займае 59,2 кв. м. Унутры выкананы лаканічны рамонт. Падлога — ламінат і плітка. Санвузел сумешчаны, з ваннай. У кватэры ёсць уся неабходная мэбля і бытавая тэхніка.

Кошт: 474 449 рублёў ($ 152 900).

Карла Маркса, 8

Па суседстве ад Маркса, 6 прадаецца 3-пакаёвая кватэра ў будынку з Cafe de Paris. Балкон выходзіць на тую частку вуліцы, па якой любяць гуляць турысты, а сам двор ціхі і зялёны. Кватэра знаходзіцца на 3-м паверсе пяціпавярховага дома. Агульная плошча складае 66 «квадратаў». Унутры выкананы сучасны рамонт у светлых танах. Усе пакоі і кухня ізаляваныя. У санвузле — душавая кабіна.

Кошт: 564 746 рублёў ($182 000).

Карла Маркса, 42

Бліжэй да парку Горкага і цырка прапануюць купіць 4-пакаёвую кватэру архітэктара Юрыя Шпіта, які і спраектаваў гэты дом. Гэтая частка вуліцы забудоўвалася пазней, таму на змену 5-павярховым сталінкам прыходзяць 9-павярховыя дамы.

Побач знаходзіцца набярэжная Свіслачы, куды можна адпраўляцца на прагулкі і ў спартыўны цэнтр. Кватэра знаходзіцца на 5 паверсе.

Агульная плошча 85,2 «квадрата». Пакоі паасобныя. Рамонт у савецкім стылі з адпаведнай мэбляй. Санвузел паасобна. У адным з пакояў ёсць выхад на лоджыю.

Кошт: 639 218 рублёў ($ 206 000).

Карла Маркса, 42

У доме архітэктара Шпіта можна разгледзець яшчэ адну прапанову — 5-пакаёвую кватэру з сучасным рамонтам. Размяшчэнне ў ціхім цэнтры дазваляе жыць у адзіноце, адначасова да праспекта Незалежнасці — 5 хвілін хады. У двары ёсць шлагбаўм. Кватэра адна на пляцоўцы, размешчаная яна на 6 паверсе. Агульная плошча займае 165,1 кв. м, уваходныя дзверы металічная. Корпусная мэбля выраблялася па індывідуальнай замове.

У кватэры 3 санвузлы і 2 лоджыі. На падлозе керамічная плітка і паркет. Сантэхніка італьянская.

Кошт: 1 424 277 рублёў ($ 459 000).

Каментары

Цяпер чытаюць

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Усе навіны →
Усе навіны

Джоні Дэп вяртаецца ў Галівуд пасля байкоту5

На Кіпры п’яны расіянін прычапіўся да п’янай украінкі. Яе спадарожнікі збілі яго на горкі яблык — можа страціць вока35

«Не можаш ваяваць — дапамагай. Не можаш дапамагаць — не трындзі»: маладая беларуска далучылася да УСУ ў 2026‑м і ваюе дроншчыцай26

Памёр адзін з акцёраў-блізнюкоў з папулярнага фільма «Нянькі»1

Самыя папулярныя браўзеры, сацсеткі і ШІ-пошукавікі ў Беларусі11

Выйшла кніга пра Зянона Пазняка. Яе рыхтавалі больш за 10 гадоў17

Былы расійскі губернатар Гладкоў адмовіўся ад канала з 400 тысячамі падпісчыкаў. У Крамлі былі незадаволеныя яго актыўнасцю

Беларусы незадаволеныя канцэртам «Тату» ў Мінску — бо артысткі спявалі не на рускай мове28

Арына Сабаленка, падобна, нецэнзурна выказалася ў бок украінскай тэнісісткі пасля сваёй паразы37

больш чытаных навін
больш лайканых навін

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Галоўнае
Усе навіны →

Заўвага:

 

 

 

 

Закрыць Паведаміць