Стала вядома, што не працягваюць канктракт з Пятром Цалко, дырэктарам Веткаўскага музея стараабрадніцтва і беларускіх традыцый імя Ф. Р. Шклярава. Пра гэта паведамілі ў сацсетках.
Веткаўскі музей у тым ліку і дзякуючы Пятру Цалко быў адной з найбольш заўважных і актыўных рэгіянальных музейных устаноў.
«Велізарная колькасць відэалекцый, экскурсій, майстар-класаў, відэа-гутарак — той кейс, якім не могуць пахваліцца знакамітыя сталічныя музеі, а Веткаўскі можа, — з сумам адзначаюць у сацсетках. — Менавіта ў Гомельскім філіяле Веткаўскага музея, калі яе загадчыкам быў Пятро, з'явілася «Школка бытавога танца». Усе выдатна памятаюць «Гуканне вясны», «Ноч музеяў» «Летнікі па ткацтве» і велізарная колькасць вечарын, якія праходзяць у музеі».
Акрамя таго, у Веткаўскім музеі рупіліся пра папаўненне фондаў унікальнымі экспанатамі. Сярод іншага музей аб'яўляў зборы на набыццё цікавых прадметаў, і дабіваўся ў гэтым поспеху. Так, у мінулым годзе ўдалося такім чынам набыць ікону з выявай Божай Маці, якая з’яўлялася часткай Царскай брамы XIX стагоддзя, а дакладней створкай з наверша брамы.
А сёлета знайшлося і больш ранняе ды поўнае наверша з Царскай брамы. Дзве створкі брамы — дзве іконы з выявамі Божай Маці і Архангела Гаўрыіла. І на гэта таксама быў абвешчаны збор.
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі2121
Каментары