Міжнародны алімпійскі камітэт вырашыў, што спартсмены з Беларусі і Расіі змогуць выступіць на Алімпійскіх гульнях у Парыжы ў 2024 годзе, але толькі ў нейтральным статусе.
«Выканаўчая рада Міжнароднага алімпійскага камітэта пастанавіла, што індывідуальныя нейтральныя спартсмены, <…> будуць мець права ўдзельнічаць у Алімпійскіх гульнях у Парыжы 2024 года <…>. Індывідуальныя нейтральныя спартсмены — гэта спартсмены з расійскім ці беларускім пашпартам», — гаворыцца ў паведамленні МАК.
На Алімпійскіх гульнях будзе забаронена любая сімволіка, якая асацыюецца з Беларуссю і Расіяй, а спартсмены будуць выступаць у форме нейтральных колераў.
Акрамя таго, на гульнях не змогуць выступіць спартоўцы, афіляваныя з расійскімі і беларускімі сілавымі структурамі, а таксама тыя, хто быў заўважаны ў падтрымцы расійскай агрэсіі супраць Украіны.
На гульнях не будзе афіцыйных дэлегацый Беларусі і Расіі.
На гэты момант допуск да Алімпіяды маюць тры спартсмены з Беларусі і восем — з Расіі. У шматлікіх відах адбор ужо завершаны.
Цяпер чытаюць
Мабільны Анжалікі Мельнікавай з 19 сакавіка знаходзіцца на тэрыторыі Беларусі60
Каментары
Ну і вельмі скрушна, што ў міжнародных органах забыліся пра трагедыю Белаарусі і маюць на ўвазе толькі вайну ва Украіне ды разглядаюць лукашыстаў толькі праз украінскую прызму.