Амерыканскі акцёр Раян О'Ніл памёр учора ў Лос-Анджэлесе ва ўзросце 82 гадоў. Славу яму прынесла галоўная роля ў шчымлівай «Гісторыі кахання» 1970 года.
Раян О'Ніл нарадзіўся 20 красавіка 1941 года ў сям'і сцэнарыста і актрысы. Яго тата быў ірландзец, а бабуля габрэйка. У юнацтве шмат падарожнічаў, прафесійна займаўся боксам. У кіно пачаў здымацца з канца 1950-х.
Прызнанне да яго прыйшло ў пачатку 60-х, калі ён атрымаў прыкметную ролю ў серыяле «Імперыя».
Потым былі ролі ў тэлесерыяле «Пейтон-Плейс» і ў шчымлівай меладраме «Гісторыя кахання», якая прынесла яму велізарную папулярнасць і нават намінацыю на прэмію «Оскар».
Але «Оскар» карціна атрымала за чароўную музыку Фрэнсіса Лея.
Зняўся таксама ў «Бары Ліндане» Стэнлі Кубрыка. У 2012 года ў Раяна О'Ніла быў дыягнаставаны рак.
Цяпер чытаюць
Рэдкі выпадак: памілаваны беларускі палітвязень пайшоў на вайну супраць Украіны15
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары