Свет44

Туск стаў прэмʼерам на фоне ахалоджання ў адносінах з Украінай. Вось што ён заявіў наконт яе далейшай падтрымкі ў вайне

Новы прэмʼер-міністр Польшчы Дональд Туск падчас выступу ў Сейме прадставіў сваю праграму дзеянняў. Ён заявіў пра тое, што ягоны ўрад будзе патрабаваць поўнай мабілізацыі Захаду для дапамогі Украіне, піша «Еўрапейская праўда».

Новы прэмʼер-міністр Польшчы Дональд Туск. Фота: Omar Marques / Getty Images

«Я не магу больш слухаць палітыкаў, якія гавораць пра стомленасць ад сітуацыі [вайны] ва Украіне. Яны гавораць прэзідэнту [Украіны] Зяленскаму, што яны стаміліся ад сітуацыі?» — сказаў Туск.

Паводле яго, напад на Украіну — гэта «напад на ўсіх нас». Прэмʼер заклікаў адным голасам гаварыць аб Украіне, што, перакананы ён, павінна абʼядноўваць палякаў.

Новы кіраўнік урада дадаў, што дапамога Польшчы Украіне вельмі важная, але адначасова звярнуў увагу, што Варшава павінна быць настойлівай, калі гаворка ідзе аб інтарэсах, у прыватнасці, польскіх фермераў.

«Але мы павінны памятаць, за што ідзе вайна. Што ўкраінцы ваююць за нешта надзвычай важнае, што іх бітва пачалася на Майдане, што яны ваююць за тое, каб далучыцца да супольнасці заходняга свету. Яны хочуць, каб Украіна была дэмакратычнай, прававой дзяржавай, як заходнія краіны. І яны за гэта зараз змагаюцца», — падкрэсліў Туск.

Прэмʼер таксама абʼявіў, што праз некалькі дзясяткаў гадзін ён адпраўляецца ў Брусель, спадзеючыся пераканаць саюзнікаў абараніць дэмакратычныя каштоўнасці і Украіну ад расійскай агрэсіі.

«Толькі абʼяднаны Захад можа дапамагчы Украіне перамагчы ў барацьбе за дэмакратычныя каштоўнасці», — рэзюмаваў Туск.

На фоне выбараў у Польшчы адносіны паміж гэтай краінай і Украінай сталі халаднейшымі праз польскіх фермераў і транспартнікаў, якія заклікалі ўлады абараніць іх інтарэсы.

Каментары4

  • Вася
    12.12.2023
    Х..вые новости для путина и лукашенко
  • Так
    12.12.2023
    Я не магу больш слухаць палітыкаў, якія гавораць пра стомленасць ад сітуацыі [вайны] ва Украіне.
    Туск выразна сказаў: "Я не магу больш слухаць палітыкаў, еўрапейскіх, іншых заходніх дзяржаў, якія гавораць нешта пра стомленасць ад сітуацыі [вайны] ва Украіне".
  • Казік
    12.12.2023
    Апошні абзац дзіўны. Адносіны сталі халоднымі, бо ўкраінскія перавозчыкі зерня, якім Польшча дала магчымасць транзіту, вырашылі крыху пагандляваць па-шэраму ў Польшчы. А ўкраінскія транспартнікі ўвялі новую сістэму электроннай чаргі, у якой палякі мусілі стаяць і глядзець, якія ўкраінскія фуры міма са свістам праяжджаюць мяжу за хабар.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Трамп заявіў, што ён «вельмі раз’юшаны» паводзінамі Пуціна17

Трамп заявіў, што ён «вельмі раз’юшаны» паводзінамі Пуціна

Усе навіны →
Усе навіны

Сёння ўвечары прапануюць часова выключыць электрычнасць2

У Ганконгу прадалі працу Шагала за 4,5 мільёна даляраў

«70% мала, давайце 90%». Як Шпілеўская патрабавала ад Коршунава змяніць вынікі сацапытання14

Беларускія блогеры знялі пад Мядзелам вялізную чараду дзікіх гусей ВІДЭА4

Сацыяпатамі (як і прэзідэнтамі) не нараджаюцца, сацыяпатамі становяцца11

Муж Бондаравай расказаў, за што яе пасадзілі на 13 сутак21

Давыдзька паехаў у Расію пабірацца па старых сябрах і перастаў плаціць за мабільны — яго падхапіў крыптабізнэсмен10

Каардынацыйная рада спрабуе даведацца, ці былі на рахунак фонду Анжалікі Мельнікавай пераведзеныя грошы для дзейнасці КР13

Латушка: Месцазнаходжанне Анжалікі Мельнікавай і яе дочак пакуль не высветлена5

больш чытаных навін
больш лайканых навін

Трамп заявіў, што ён «вельмі раз’юшаны» паводзінамі Пуціна17

Трамп заявіў, што ён «вельмі раз’юшаны» паводзінамі Пуціна

Галоўнае
Усе навіны →

Заўвага:

 

 

 

 

Закрыць Паведаміць