Фэйкавыя акаўнты ад імя Офіса Ціханоўскай збіраюць даныя беларусаў нібыта для новых пашпартоў
13 снежня невядомыя пачалі рассылаць паведамленні быццам ад Офіса Святланы Ціханоўскай з заклікам дасылаць свае даныя для «запісу на атрыманне новага нацыянальнага пашпарта Беларусі». Таксама праваабаронцы паведамляюць пра актыўнасць фэйкавых ботаў.
«Мы афіцыйна заяўляем, што гэтая інфармацыя з'яўляецца фэйкам і, верагодна, правакацыяй карнікаў рэжыму з мэтаю збору даных беларусаў», — гаворыцца ў заяве Пераходнага Кабінета.
Збор такіх даных, калі і пачнецца, то толькі пасля апублікавання афіцыйнай інфармацыі ў сацыяльных сетках Аб'яднанага Пераходнага Кабінета Беларусі.
Таксама праваабаронцы заяўляюць, што з'явіліся фэйкавыя боты «Вясны».
У «Вясны» існуе адзіны «Вясна-бот»: ніякія астатнія не маюць дачынення да арганізацыі. Таксама не былі створаныя асобныя акаўнты для камунікацыі з кампаніяй «Праваабаронцы за свабодныя выбары».
Калі вам пішуць незнаёмыя акаўнты і прадстаўляюцца людзьмі, якія маюць дачыненне да «Вясны», калі ласка, спраўдзіце іх праз афіцыйныя кантакты «Вясны» альбо праз Інфармацыйную службу «Вясны» http://t.me/Viasnainfo, паведамляюць праваабаронцы.
Цяпер чытаюць
«Жэня пагадзіўся на будоўлю, а не ваяваць. І толькі калі выйдзе з запою!»: як прадалі ў расійскую армію жыхара Лёзна. Ахвяра не адна6
Каментары