У Барысаве легкавік замінаў вывазу смецця. Камунальнік вырашыў адпомсціць позна ноччу
Як вядома, помста — гэта страва, якую падаюць халоднай.
Інцыдэнт здарыўся каля аднаго з дамоў па вуліцы Нармандыі-Нёман. У міліцыю патэлефанаваў мужчына і расказаў, што ноччу яго аўтамабіль пашкодзілі. Невядомы вострым прадметам пракалоў два колы, паведамляе абласная міліцыя.
Падчас аператыўных мерапрыемстваў супрацоўнікі крымінальнага вышуку вылічылі вандала. Ім аказаўся 60-гадовы работнік камунальнай службы.
Мужчына растлумачыў, што яго раззлавала, што жыхары дома пастаянна паркуюць свае аўтамабілі каля пад'езда, і кантэйнер са смеццем вывезці немагчыма.
На злачынства ён пайшоў уначы, узяўшы з сабой цвік.
Адметна, што акт помсты трапіў на відэакамеры.
Заведзена крымінальная справа па ч. 1 арт. 339 Крымінальнага кодэкса (хуліганства). Санкцыя артыкула прадугледжвае да трох гадоў калоніі.
Мінчанка пакінула станоўчы водгук на сумку — і раптам выкрыла здраду чужога мужа19
Каментары