«Казахстан не будзе рызыкаваць». Чаму казахі не пускаюць да сябе «Боінгі» з Беларусі
Казахстан не ўводзіў забароны для палётаў «Белавія» ў цэлым, але ў дачыненні да самалётаў маркі «Боінг» не хоча рызыкаваць, каб не трапіць пад другасныя санкцыі ЗША. Пра гэта заявіў пасол Казахстана ў Беларусі Ерлан Байжанаў на прэс-канферэнцыі ў Мінску.
«Казахстан не ўводзіў забарон і абмежаванняў на палёты «Белавія».
Гэта звязана з санкцыямі, якія былі прыведзеныя ў дзеянне ЗША. Гэта краіна — вытворца гэтых «Боінгаў». Мы, беручы пад увагу гэтую акалічнасць, натуральна, не хочам рызыкаваць і атрымаць другасныя санкцыі ў дачыненні да свайго парку «Боінгаў» і гэтак далей.
Забаронаў для «Белавія» не ўводзілася, сведчаннем чаму — здзяйсненне палётаў авіякампаніі ў Астану шэсць разоў на тыдзень. Пры гэтым нашы авіякампаніі пазбаўленыя магчымасці лётаць у Беларусь.
Таму што гэтыя абмежаванні закранулі і «Эйрбасы», і «Боінгі». А ў нас самалётны парк складаецца з іх. Нашы авіякампаніі не могуць атрымаць страхоўку на гэтыя палёты і забеспячэнне рамонту», — сказаў казахстанскі дыпламат.
Пры гэтым ён запэўніў, што чыста ідэйна Казахстан выступае «супраць такіх інструментаў міжнароднага ціску, як эканамічныя санкцыі». Але ставіць пад магчымую пагрозу самога сябе дзеля абароны інтарэсаў беларускага рэжыму пры гэтым таксама не хоча.
І нават тое, што некаторыя іншыя краіны ЕАЭС і СНД занялі ў гэтым пытанні іншую пазіцыю, не з'яўляецца для кзаахаў пераканаўчым аргументам.
«Магчыма, гэтыя партнёры любяць рызыкаваць. Казахстан не будзе рызыкаваць у гэтым пытанні», — заявіў Ерлан Байжанаў.
Чытайце таксама:
ЗША працягнулі санкцыі супраць «Белавія»
«Час лятаць на сваіх». Пархомчык заявіў, што Беларусь рыхтуецца выпускаць свае самалёты
У беларускім Мінтрансе расказалі, чаму не купляюць расійскіх самалётаў
Цяпер чытаюць
Як у галечы співалася радня Лукашэнкі? Малавядомыя факты6
Каментары
С одной стороны не хотят рисковать, а с другой гонят санкционку в Россию