Генпракуратура накіравала ў суд першую крымінальную справу супраць памерлага
Крымінальную справу, заведзеную супраць украінца Уладзіміра Катрука, якога абвінавачваюць ва ўдзеле ў паліцэйскіх фармаваннях на тэрыторыі Беларусі ў гады Другой сусветнай вайны, накіравалі ў суд, паведаміў генпракурор Андрэй Швед.
«Сёння мною накіравана ў Вярхоўны суд для вызначэння падсуднасці крымінальная справа ў дачыненні да Катрука», — паведаміў Швед.
Ужо найбліжэйшым часам, як адзначыў Швед, Вярхоўны суд вызначыць, які з судоў будзе разглядаць гэтую справу. І чарговы раз падкрэсліў, што гэтая справа супраць мёртвага чалавека — не першая, а будуць і іншыя, «калі будзе сабрана дастатковая колькасць доказаў».
Раней Швед анансаваў, што суд над Катруком адбудзецца ў лістападзе, але, як выглядае, ягонае ведамства з гэтай справай у час не справілася.
Уладзімір Катрук памёр ва ўзросце 93 гадоў у Канадзе ў 2015 годзе. Ён служыў у 118-м батальёне Schutzmannschaft — паліцэйскім фармаванні, якое ўдзельнічала ў масавых расправах над мірнымі жыхарамі падчас вайны. У прыватнасці, у сакавіку 1943 года яны спалілі ўсіх жыхароў вёскі Хатынь.
Уладзімір Катрук уваходзіў у дзясятку нацысцкіх злачынцаў, якіх у першую чаргу шукаў цэнтр Сімона Візенталя. Ён быў знойдзены ў квебекскім муніцыпалітэце Мантэрэжы ў Канадзе.
Мужчына апошнія гады разводзіў пчол. Падчас допыту ён адмаўляў усе сувязі з нацыстамі, заяўляў, што нічога не ведае пра «спіс Візенталя».
«Многія гады медыя беспадстаўна пераследавалі містара Катрука. Я вельмі рады, што цяпер ён мірна спачывае», — казаў тады яго адвакат Арэст Рудзік.
Швед анансаваў суд над чалавекам, якога абвінавачвалі ў спаленні Хатыні. Ён памёр восем гадоў таму
У Канадзе памёр 93-гадовы Уладзімір Катрук, абвінавачаны па справе спалення Хатыні
Канада адмовілася выдаць Расіі У. Катрука, які можа быць датычны да спалення Хатыні
СК РФ распачаў справу супраць забойцы жыхароў Хатыні ў час вайны
У Канадзе адшуканы падазраваны ў датычнасці да спальвання Хатыні
Лукашэнка прызнаў, што мае патрэбу ў адпачынку і што вялікая колькасць людзей яго праклінае9
Каментары