Гістарычнаму цэнтру Навагрудка прысвоілі статус гісторыка-культурнай каштоўнасці міжнароднага значэння
18 снежня Беларуская рэспубліканская навукова-метадычная рада па пытаннях гісторыка-культурнай спадчыны пры Мінкульце прыняла рашэнне аб неабходнасці надання статусу гісторыка-культурнай каштоўнасці шасці новым аб’ектам і элементам.
Гістарычнаму цэнтру Навагрудка XII-XX стст. надалі статус гісторыка-культурнай каштоўнасці катэгорыі «1» (то-бок міжнароднае значэнне).
Беларускія гісторыкі лічаць, што Навагрудак быў першай сталіцай Вялікага Княства Літоўскага. Адна з яго каштоўнасцяў — рэшткі замка, які існаваў тут ужо ў XI-XII стагоддзі.
Статус гісторыка-культурнай каштоўнасці прысвоілі касцёлу святога Лаўрэнція 1913 г. ва Ушачах з аднясеннем да катэгорыі «2» (нацыянальнае значэнне).
Капліцы святога Яна Хрысціцеля другой паловы XVIII ст. у в. Краснаазёрнае Смаргонскага раёна з аднясеннем да катэгорыі «3» (рэгіянальнае значэнне).
Касцёлу святога апостала Андрэя 1908-1914 гг. у Лынтупах Пастаўскага раёна з аднясеннем да катэгорыі «3» (рэгіянальнае значэнне).
Таксама статус гісторыка-культурнай спадчыны прысвоены культуры беларускай дуды на Гомельшчыне (катэгорыя «Б») і тэхналогіі аплятання бяростай ганчарнага посуду ў Віцебскай вобласці (катэгорыя «Б»).
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?1
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары