За колькі прадаюць савецкія ёлачныя цацкі? Паглядзіце, ці не можаце вы разбагацець
Пры падрыхтоўцы да зімовых свят некаторыя не толькі імкнуцца ўпрыгожыць сваю хату, але і жадаюць пазбавіцца ад таго, што ўжо не актуальна. Перш чым аддаць ці выкінуць такія рэчы, паглядзіце, а ці не рарытэт захоўваецца ў шафе. За тое, што ўжо даўно вам не трэба, можна атрымаць нядрэнныя грошы, піша «Першы Пінскі».
Ёлачныя цацкі з СССР
У абʼяве з Жодзіна пазначана, што цацкі з часоў СССР у ідэальным стане. За 15 штук прадавец хоча 4500 рублёў.
Цацкі з Гомеля ацэньваюцца ў 600 рублёў. У апісанні тавару прадавец піша, што ёлачныя цацкі прадаюцца адным лотам. Колькасць — больш за 500 штук. Звяркоў, чалавечкаў — больш за 150 штук, фігурак — больш за 200 штук.
У Мінску за пяць ёлачных цацак савецкіх часоў хочуць 500 рублёў. Зроблены са шкла, магчымы торг.
Яшчэ адна абвестка з Мінска, у якой пазначана, што прадаецца рэдкая ёлачная цацка «Залаты капыток». Цана за штуку — 200 рублёў. Стан, як сцвярджае прадавец, выдатны.
З апісаннем прадаўца немагчыма не пагадзіцца, бо пры запыце «Залаты капыток» пошук выдае толькі абʼявы пра цацку «Сярэбраны капыток». І толькі на расійскіх сайтах.
Дзед Мароз савецкіх часоў за 200 рублёў таксама жадаюць прадаць у сталіцы. Прадавец дае вельмі абʼёмнае апісанне. Выраблены з ваты і папʼе-машэ, твар — кераміка, акуратны роспіс уручную. Халат з матэрыі. Барада з ваты. Падстаўка з фанеры. Да мяшка Дзеда Мароза прымацаваны шкляныя цацкі.
Стан добры. Усё роднае, арыгінальнае, без рэстаўрацыі. Маюцца невялікія пашкоджанні на падстаўцы, пара маленькіх дэфектаў на футры па каўняры.
Год нараджэння: 1980.
Рост дзядулі: 70 см.
Якія цэны на іншых сайтах
На іншай пляцоўцы цэны за ёлачныя цацкі часоў СССР не меншыя. Напрыклад, у Віцебску прадавец просіць за свой лот 5000 рублёў. Прадаецца оптам, ад 1000 штук.
Лот з Гродзенскай вобласці ў колькасці 600 штук ацэньваецца ў 1300 рублёў.
Насамрэч абʼяў аб продажы навагодніх цацак савецкага часу вельмі шмат. І калі хтосьці хоча проста вызваліць месца ў доме, то іншыя — нядрэнна зарабіць. Вось яшчэ некалькі абʼяў, з найболей дарагіх.
Паглядзіце, быць можа і ў вас пыляцца ў шафе вялікія грошы.
Цяпер чытаюць
«На караблі кожны дзень — панядзелак». Беларуска расказала пра сваю працу на круізным лайнеры6
Каментары
муж бондаревой работал на фабрике елочных игрушек?