У Беларусі чарговы раз унеслі змены ў пастанову № 713 Савета міністраў «Аб сістэме рэгулявання цэнаў», якая рэгулюе парадак фармавання цэнаў на тавары. Адпаведны дакумент 6 студзеня апублікаваны на Нацыянальным прававым інтэрнэт-партале.
Пастановай урада № 1000 знізілі памер максімальнай аптовай і рознічнай гандлёвай надбаўкі на дзіцячае адзенне, абутак і цацкі.
На дзіцячае адзенне і абутак для імпартных тавараў надбаўку знізілі з 55 да 30%, для айчынных — з 55 да 40%.
У пастанове цяпер фігуруюць 19 пазіцый дзіцячага адзення, сярод іх — курткі і паліто, штаны, спартыўныя касцюмы, світары, камізэлькі, кашулі, сукенкі, спадніцы, блузкі, бялізна для нованароджаных і дзяцей ясельнага ўзросту, майкі, пальчаткі і рукавічкі, трыкатажныя шапкі, калготкі, гольфы, шкарпэткі, майткі, піжамы і інш.
У катэгорыі дзіцячага абутку 6 пазіцый, сярод іх — хатні і гумовы абутак, боты, чаравікі, туфлі, красоўкі, кеды і інш.
Што тычыцца цацак, то памер максімальнай аптовай і рознічнай гандлёвай надбаўкі знізілі толькі для прадукцыі беларускіх вытворцаў — з 40 да 30%, цяпер яна роўная надбаўцы на імпартныя тавары.
Чытайце таксама:
У Беларусі ўвялі адзіны маёмасны плацеж
З наступнага года вырасце падатак на першую кватэру
Мінчанка пакінула станоўчы водгук на сумку — і раптам выкрыла здраду чужога мужа8
Каментары