Бутыляваная вада забруджаная мікрапластыкам у каласальным маштабе — вучоныя
Новае даследаванне выявіла, што ў адным літры бутыляванай вады ўтрымліваецца каля 240 тысяч часцінак мікрапластыку. Праўда, уплыў яго на здароўе пакуль не даследаваўся.
Як піша Le Monde, амерыканскія даследчыкі выявілі, што бутыляваная вада мае нечакана высокую ступень забруджанасці мікрапластыкам. Сваімі вынікамі вучоныя падзяліліся ў часопісе Proceedings of the National Academy of Sciences.
Як паведамляецца, у сярэднім у адным літры вады ў пластыкавай бутэльцы ўтрымліваецца каля 240 тысяч часцінак мікрапластыку. Былі пратэставаныя бутэлькі з вадой трох вытворцаў.
У вадзе былі знойдзены сем відаў мікрапластыку. У прыватнасці, поліамід, поліпрапілен, поліэтылен, ПВХ і нават ПЭТ. У вадзе першых двух брэндаў значную долю (ад 70 да 80%) складаў поліамід. А вось у вадзе трэцяга брэнду на яго прыходзілася толькі 17% усёй масы пластыку. А вось ПЭТ склаў 63%.
Гэтая лічба каласальна (ад ста да тысячы разоў) адрознівацца ад тых, што прыводзіліся раней. Такую колькасць часцінак вучоныя здолелі выявіць дзякуючы новым аптычным тэхналогіям, якія могуць знаходзіць і вызначаць характарыстыкі мікра– і наначастак пластыку.
Аўтары не раскрываюць назвы трох вытворцаў бутыляванай вады, але сцвярджаюць, што такі ўзровень забруджанасці, імаверна, будзе і ў іншых вытворцаў.
Вучоныя звяртаюць увагу, што часткі мікрапластыку з вадой трапляюць у арганізм чалавека, дзе з поспехам пераадольваюць біялагічныя бар'еры і з крывёй распаўсюджваюцца па ўсіх органах, уключаючы мозг. Але пакуль не хапае ведаў адносна таго, якія рызыкі для здароўя гэта нясе. У той жа час вучоныя адзначаюць, што таксічныя рэчывы (напрыклад, бісфенолы), якія пераносяцца гэтымі мікра– і наначасцінкамі, узмацняюць іх шкоднае ўздзеянне.
У 2023 годзе французскія вучоныя высветлілі, што мікрапластык аказвае шкоднае ўздзеянне на кішэчную флору, зніжаючы колькасць карысных бактэрый і павялічваючы колькасць патэнцыйна патагенных.
У 2022 годзе італьянскія даследчыкі выявілі забруджанасць мікрапластыкам груднога малака ў большасці кормячых жанчын. А нідэрландскія вучоныя падлічылі, што колькасць мікрапластыку, які цыркулюе ў крыві чалавека, складае прыкладна 1,6 міліграма на літр крыві. Але даследчыкі здолелі выявіць толькі мікрачасцінкі памерам большым за 700 нанаметраў. І гэта не дазваляе гаварыць аб сапраўдным маштабе забруджанасці.
Чытайце яшчэ:
Еўрапейцаў пазбаўляюць аднаго з сімвалаў свята і гламуру
Навукоўцы знайшлі мікрапластык у аблоках. Гэта можа несці сур'ёзныя наступствы для свету
Мікрапластык можа трапляць у мозг і выклікаць змены ў паводзінах — новае даследаванне
Цяпер чытаюць
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся10
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну77
Каментары
(зевая) да, никто не ожидал
Думали, стекло будет
А тут такой поворот!🤣🤣🤣