Былога начальніка наваполацкай міліцыі судзяць па крыміналцы за супраціў міліцыі
У судзе Расонскага раёна яшчэ перад Новым годам пачаўся суд над былым начальнікам Наваполацкага ГАУС, а па сумяшчальніцтве дэпутатам Наваполацкага гарсавета Уладзімірам Дуброўскім, заўважыў тэлеграм-канал «Віцебск, я гуляю!»
Уладзіміра Дуброўскага затрымлівалі ў жніўні, калі ён нецвярозы ехаў з рэстарана і ледзь не ўрэзаўся ў будынак. Аднаму з міліцыянтаў ён тады парваў форменную кашулю. Пра гэты выпадак пісала і «Наша Ніва».
Дуброўскага тады прызналі вінаватым паводле арт. 24.3 КаАП (непадпарадкаванне законным патрабаванням супрацоўніка міліцыі) і ч.2 арт. 18.15 ( кіраванне транспартным сродкам у нецвярозым стане). Суд Наваполацка аштрафаваў яго на 200 базавых велічынь (7400 рублёў) і пазбавіў права 5 гадоў займаць пасады, звязаныя з кіраваннем транспартам.
Далейшы працяг ягонага судовага пераследу абцяжарваўся дэпутацкім статусам Дуброўскага, але, як выглядае, урэшце перашкодай гэта не стала. Цяпер былога галоўнага міліцыянера Наваполацка судзяць па арт. 363 ч. 2 Крымінальнага кодэкса («Супраціўленне супрацоўніку органаў унутраных спраў ці іншай асобе, якая ахоўвае грамадскі парадак»).
Наваполацкага дэпутата пакаралі штрафам за непадпарадкаванне міліцыянтам і п'яную язду. Але з дэпутацкага крэсла не выгналі
Былому кіраўніку наваполацкіх сілавікоў далі штраф за нецвярозае кіраванне
Былога начальніка наваполацкай міліцыі судзілі за непадпарадкаванне яго колішнім калегам. Але пакараць яго цяжка, бо ён дэпутат
Цяпер чытаюць
Яму далі 15 гадоў па паказаннях Пратасевіча. Ён пасівеў за адну ноч3
Каментары
Вот ні пайму кахда Карпянкоў будзіт кашулі рваць Кубракову на дзень длагадарэнія?
Хдзе справядлівасць? Ні парадак