Кіроўцы двух беларускіх аўтобусаў ехалі ў Літву без дазволаў. Пацярпелі і пасажыры
У двух кіроўцаў беларускіх рэйсавых аўтобусаў не было дазволаў на паездку ў Літву. Гэта выявіла 16 студзеня Літоўская адміністрацыя бяспекі транспарту. Пасажыраў высадзілі — ім давялося дабірацца да віленскага аўтавакзала самастойна.
Фота: ltsa.lrv.lt
На кіроўцаў склалі пратакол і аштрафавалі на 2500 еўра.
Літоўская адміністрацыя бяспекі транспарту з ліпеня 2023-га рэгулярна правярае аўтобусы, якія перавозяць пасажыраў з Літвы ў Беларусь і назад рэгулярнымі і чартарнымі рэйсамі.
На сёння праверылі 47 зарэгістраваных у Беларусі аўтобусаў. Парушэнні былі зафіксаваныя амаль ва ўсіх выпадках. Зарэгістравана 24 выпадкі, калі кампаніі перавозілі пасажыраў з Беларусі ў Літву без дазволаў на паездку, і 25 выпадкаў, калі парушаўся рэжым кіравання і адпачынку.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі84
Каментары