Намеснік начальніка следчага ўпраўлення Камітэта дзяржбяспекі Канстанцін Бычак заявіў на БТ, што спецслужбы Украіны планавалі забойствы беларускіх дзяржаўных дзеячаў і праўладных журналістаў.
У сюжэце расказвалі пра ранейшых затрыманых (паказанні на камеру ў асноўным прымусілі даваць украінца Вячаслава Бародзія), якіх вінавацяць у працы на СБУ.
Бычак пракаментаваў, што так сілавікі спынілі дзейнасць сеткі ўкраінскіх агентаў, якія займаліся перакідкай у Беларусь выбухоўкі і зброі.
«Падчас расследавання ўстаноўленыя і канфіскаваныя схованкі з выбуховымі рэчывамі. Атрыманыя даныя пра іх магчымае выкарыстанне пры падрыхтоўцы і здзяйсненні выбухаў на прадпрыемствах нафтаперапрацоўчай прамысловасці, падрыхтоўцы здзяйснення забойстваў дзяржаўных дзеячаў і журналістаў», — сцвярджае Канстанцін Бычак.
Па дадзеных фактах следчае ўпраўленнем КДБ распачало крымінальную справу. Фігурантам інкрымінуюць здраду дзяржаве, агентурную дзейнасць і акт тэрарызму. Па апошнім артыкуле можа пагражаць смяротнае пакаранне.
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?10
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?
«На працягу 30 гадоў незалежнасці беларускамоўныя бюлетэні задавальнялі ўсіх». Камуністы абвінавацілі Бондараву ў распальванні варожасці на моўнай глебе1616
Каментары