У рамках масавага хапуну сваякоў палітвязняў і былых палітзняволеных затрымалі як мінімум 37 чалавек
Затрыманні адбываюцца па ўсёй краіне — сярод іх і былыя палітвязні, якія выйшлі на волю, але заставаліся ў Беларусі.
У пастановах супрацоўнікаў КДБ, якія прыходзяць да людзей, фігуруюць артыкулы за «фінансаванне экстрэмісцкай дзейнасці» і «ўдзел у экстрэмісцкіх фармаваннях», піша «Вясна».
Паводле інфармацыі «Люстэрка», сёння раніцай сілавікі прыйшлі да знаёмай аднаго з чытачоў.
Жанчына — жонка палітвязня. Яе тэлефон недаступны. Суразмоўца не ведае, прадстаўнікамі якога ведамства з'яўляюцца няпрошаныя госці.
Паводле яго звестак, «візіт» звязаны з тым, што жанчына была ў закрытым чаце, дзе кантактуюць блізкія палітвязняў і былыя палітвязні.
— Там яны абмяркоўваюць бытавыя пытанні, што ў перадачу пакласці, якую вопратку можна, — коратка кажа суразмоўца. — Мне сказалі, што прыйшлі да многіх з гэтага чата. Асабліва цікавіліся тымі, хто, мабыць, у чаце пісаў пра дапамогу «Байсола».
Пра аналагічную сітуацыю паведамілі і родныя яшчэ аднаго з палітвязняў. Да бацькоў мужчыны сёння раніцай таксама прыйшлі сілавікі. Цікавіліся «дапамогай з-за мяжы». Што менавіта гэта за дапамога, суразмоўца не ведае. Ці знаходзіліся гэтыя людзі ў тым жа чаце, што і знаёмая крыніцы «Люстэрка», невядома.
Паводле інфармацыі Андрэя Стрыжака, сярод затрыманых былыя палітвязні і іх сваякі.
Праваабаронцы паведамляюць, што ў пастановах сілавікоў фігуруюць артыкулы за «фінансаванне» і «ўдзел у экстрэмісцкіх фармаваннях».
У сувязі з тым, што адбываецца, Андрэй Стрыжак звярнуўся да родных палітвязняў і экс-палітвязняў:
— Паклапаціцеся пра сваю бяспеку — выдаліце перапіску з сэрвісамі «Байсола».
Паводле апошніх звестак, сілавікі сёння затрымалі як мінімум 37 чалавек па ўсёй краіне, паведамляюць праваабаронцы «Вясны». Сярод іх — больш за дваццаць сваякоў палітвязняў. У пастановах сілавікоў фігуруюць артыкулы за фінансаванне і ўдзел у «экстрэмізме».
Усяго ж пад пераслед падчас сённяшняга масавага «хапуна» трапілі як мінімум 60 чалавек. Частку з іх затрымалі, а ў некаторых проста правялі ператрус і адпусцілі. Вядома, што прыходзілі да людзей па ўсёй краіне. Пры гэтым затрыманні і ператрусы працягваюцца дагэтуль.
@nashaniva Да дзясяткаў родных палітязняў ва ўсёй Беларусі сёння прыйшлі камітэтчыкі #беларусы #беларусь #минск #нашаніва #беларусьсейчас #навіныбеларусі #новостибеларуси #милициябеларуси #брест ♬ Suspenseful and tense orchestra(1318015) - SoLaTiDo Чытайце таксама:
Некаторыя сённяшнія затрыманні звязаныя з праектам INeedHelpBY
У Віцебску затрымалі 76-гадовага Барыса Хамайду
Супрацоўнікі КДБ сёння масава прыходзяць да сваякоў палітвязняў і былых палітзняволеных
-
У 7‑й спецбрыгадзе ўнутраных войскаў змянілі камандзіра і ідэолага — неўзабаве пасля праверкі боегатоўнасці
-
Латушка: Перамовы па Украіне могуць адкрыць магчымасці для Беларусі. Дэмсілы павінны быць за сталом
-
«Я хачу развеяць міф, што я вельмі моцны чалавек, проста танк, бо многія ведаюць мяне з 2020-га». Размова з Галінай Казіміроўскай аб перамозе над цяжкім дыягназам
Цяпер чытаюць
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі1
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары
Значыць, або нахабны хатаскрайнік, або бот карнікаў.