Шаранговіч закінуў 20-ю шайбу ў гэтым сезоне НХЛ. Гэта самы ўдалы яго сезон
Праўда, ягоны «Калгары» саступіў у хатнім матчы «Сэнт-Луісу» з лікам 3:4.
Ягор забіў гол на 32-й хвіліне і дазволіў камандзе адарвацца ў ліку, але «Сэнт-Луіс» у выніку вырваў у авертайме перамогу. Таксама Шаранговіч аддаў сёння галявую перадачу.
Беларускі форвард правёў на лёдзе 19 хвілін і 16 секунд і завяршыў яго з паказчыкам «+1».
Як толькі заўзятары «Калгары» прозвішча Sharangovich па-добраму не перайначваюць: і Sharangolich i Sharandaddych
У Ягора ў гэтым сезоне НХЛ ужо 34 ачкі па сістэме гол+пас у 37 матчах.
Беларус праводзіць выдатны сезон. У мінулым годзе, калі хлопец гуляў за «Нью-Джэрсі», у яго было ўсяго 13 шайбаў і 17 галявых асістаў у 75 матчах. Два гады таму ў яго было 24 шайбы і 22 асісты ў 76 гульнях. А ў першы сезон у НХЛ (2020-2021) Ягор у 55 паядынках закінуў 16 шайбаў і зрабіў 14 асістаў.
Каб яшчэ «Калгары» весялей гуляў. Каманда пакуль займае 12-е месца ў Заходняй канферэнцыі, маючы 47 балаў у 47 матчах і на чатыры ачкі адстаючы ад зоны плэй-оф. Да завяршэння рэгулярнага чэмпіянату «Флэймз» засталося правесці 25 паядынкаў.
Цяпер чытаюць
Герой Беларусі Марына Васілеўская нарадзіла дачку ад касманаўта Алега Навіцкага46
Герой Беларусі Марына Васілеўская нарадзіла дачку ад касманаўта Алега Навіцкага
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў88
Каментары