Лукашэнка анансаваў кадравыя «ператрахванні» напярэдадні выбараў
Кадравая ратацыя напярэдадні важных выбарчых кампаній — гэта практыка, якая ўжо склалася ў краіне, заявіў Аляксандр Лукашэнка.
Лукашэнка на нарадзе 27 лістапада 2023. Скрыншот відэа
Прызначаючы новага кіраўніка міністэрства аховы здароўя, Лукашэнка зазначыў, што ў Беларусі склалася практыка абнаўляць склад і ўрада, і мясцовых органаў улады напярэдадні парламенцкіх, прэзідэнцкіх выбараў.
«Натуральна, што эпапея пачалася не з вас. Ідзе замена, ратацыя кадраў ва ўсіх міністэрствах, ведамствах. Гэта практыка вядомая», — сказаў Лукашэнка.
Паводле яго слоў, робіцца гэта, «каб людзі бачылі, з кім далей мы будзем працаваць, прымаючы рашэнне на тых ці іншых выбарах, — ці варта давяраць гэтай камандзе».
Так званы Адзіны дзень галасавання ў Беларусі пройдзе 25 лютага.
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары